✔ 最佳答案
我唔可以教你做d咩~但希望我既經歷可以幫到你!
我本身都係一個lesbian,我屋企仲係單親家庭,媽咪由細帶大我,
我好愛我媽咪,好尊敬佢,唔想傷害佢~
我記得七年前我第一次失戀,我就同媽咪come out左,
當日既情境仲歷歷在目....
我媽咪以為佢同老豆既婚姻失敗影響左我,佢一直怪責自己,
我都好心痛。我同佢講,唔關佢事,係我自己選擇既~
o個晚我同佢傾左好耐,
我同佢講『呢個世界你同我就係至親,
如果你都唔認同我,仲有邊個認同我呢?
如果你都唔支持我,仲有邊個會支持我呢?
由細到大,無論發生d咩大小事件,都係你支持我,鼓勵我,
點解今次你唔信下我,企係我呢邊呢?
我知道呢條路無論而家定將來都好難行,
我亦唔祈望你會陪我行呢條路,
我咁大個女,只係希望你俾返個選擇權我,
選擇自己喜歡行既路~
媽咪,我知你好愛我,好錫我,我都一樣!
但係你可唔可以保證我選擇男人之後會一世幸福,唔會後悔?
定係你想我搵個gay friend假結婚,做對有名無實既夫妻,
再暪住你同個女人偷偷摸摸咁過一世?
我知一時之間你會好難接受,我都遇左親戚朋友一定會有壓力,
可能你會覺得好冇面,好難向長輩交代,
但面子重要,定係我既幸福重要呢?
如果你睇得開既,可能仲多個一個女去孝順你,
如果你覺得面子緊要d既,我都唔想迫你去接受,
我唯有委屈自己搵個gay friend假結婚,完成你心願,
因為我真係好愛你......』
其實冇必要去恨父母,我明白愛之深,恨之切
佢地只係一時之間未明白,未諒解,
俾多少少時間佢地~
再者你而家呢個partner都可能唔係一世既partner,
冇必要為佢令係同父母反面,咁樣太唔值得,
一日係父母,一世都係父母
凡事要睇長遠d,唔係要父母接受你partner,
係要佢明白、接受你係同性戀呢一個事實~
有咩問題,或者想搵人開解,隨時e-mail俾我,
或者做個朋友,等我開解下你啦~
大家同路友,有人撐會行得舒服d~^^