鑽窿問題一問,平時幾點可以鑽?

其實首先要睇吓你住既係乜嘢地方，如果係冇業主立案法團冇管理處既唐樓舊樓，除非好過份先至有人報警或者怒氣沖沖走嚟拍門，過份既意思係指喺半夜三更或者晨早流流鑽窿，或者鑽好耐。
如果係公屋居屋，星期日鑽窿除非鑽好耐，一般鑽三兩個窿亦冇乜人會投訴。如果係豪宅，星期六下午或星期日全日鑽兩三個窿都會有管理員走嚟按鐘。一般私人樓就睇你彩數，如果樓上樓下有人返夜更日頭要瞓覺既，你就一定走唔甩。
實際鑽窿所佔既時間其實好少，最花時間係度位，所以我一般既做法係先mark好哂位預備好哂所有嘢，然後儘快一次過鑽哂d窿佢。就算鑽十個窿都唔使五分鐘，警察叔叔上門從未試過，管理員就試過，不過我都已經搞掂哂，從未試過發生不愉快事件。
最重要既一樣嘢係唔好鑽吓停吓，跟住又再鑽吓。同埋唔好咁早鑽。
祝鑽窿愉快。


2009-04-28 23:41:43 補充：
如果以正式的住用處所噪音管制條例第四及第五條而言，是晚上十一時至早上七時不可發出噪音，包括裝修工程在內的噪音管制條例則限制在晚上七時至早上七時，不過警方可因應實際情況處理，故甚少人會在早上七、八點就鑽窿的。

2009-04-28 23:42:00 補充：
但其實很多裝修師傅都知道，作出最大干預及握最大權的其實是管業處，比警方要嚴得多。一般而言，大的管理公司規管都會比較嚴，很多所謂豪宅的管理公司一到下午五點九就按對講機叫師傳收工，若在假日發出裝修噪音，很快就會有幾個大漢出現在大門外，不過以我所見管業處會對住客比較客氣的。
能否成功的重點仍是﹕鑽窿儘量要一氣呵成，快得來要啖定！你一般會有五至十分鐘時間尋找刺激。
失敗也不會被人告，因為差人會先出作口頭警告，除非他剛失戀。

係政府規定的 = 朝 9 晚 7. 星期一至六非公眾假期.