✔ 最佳答案
我既夢想...俾人覺得無前途...但係我覺得係岩既都會向我既夢想去跑!
當然我既夢想係做一個專業足球員。
或者係香港踢波無出路...呢個係事實...但係我永遠都係用莎士比亞既名言做我座右銘:「奇蹟,只會發生在相信它的人身上。」
夢想唔單只係想...仲要去做...去實踐先得架嘛!有時我都會問...係香港踢波搵到條出路...有可能嗎?但係有個阿叔點醒左我,有一次落街場踢波...佢聽到我同個fd咁講,佢就同我講左一句「想知答案?努力去搵個答案囉!」
我當時真係矛塞x開...識得問...就要識得去搵個答案! 試下咪知囉~ 試下就知道有無出路...試下就知道個答案係乜。
我諗各位都要懷住呢個宗旨去追尋自己既夢想...努力實踐...