黃大仙去下白泥一問

去下白泥呀？下白泥咁大你去晒呀？講清楚去那兒才答到你呀！
黃大仙去下白泥，簡單的方式是先入元朗，再轉車入下白泥，黃大仙無直接交通工具到下白泥，除了計程車！入元朗可以地鐵轉西鐵，元朗站出，或者坐巴士到元朗，在元朗轉33號專線小巴，這些資料已有人答了，不抄了！不過落車地點就要介紹清楚，不然就行死人啦！
專線小巴到下白泥的總站是下白泥村村公所，即是下白泥村，睇相啦：

圖片參考：http://hk.geocities.com/otto653653/DSCAB0001.JPG

下白泥村無景點，只有一個下白泥爆釣魚場，供人釣魚，所以若你不是釣魚的，就不要在總站下車，不然就…….，睇相：

圖片參考：http://hk.geocities.com/otto653653/DSCAB0002.JPG

下白泥景色最優美，有沙灘有日落睇的地方，是一個名為「鴨仔坑」的地點，由下白泥村總站走回頭路，行番出流浮山方向，行約半小時可到，你行得先好！所以在總站落車就過了頭啦！你最好上車時同司機講明在鴨仔坑落車就得，到時司機提你。不過若你怕司機忘了無提你，就要留意路面情況啦。鴨仔坑有兩個釣魚場，分別是「波叔釣魚場」及「好姐海水養魚場」，睇見叫落車就無錯，個場好大好易認，睇相啦：

圖片參考：http://hk.geocities.com/otto653653/DSCAB0012.JPG


圖片參考：http://hk.geocities.com/otto653653/DSCAB0013.JPG


圖片參考：http://hk.geocities.com/otto653653/DSCAB0014.JPG

落車後找石橋及河道，就是出海灘的路，旁邊有一個「下白沙公廁」，應該很容易找到：

圖片參考：http://hk.geocities.com/otto653653/DSCAB0005.JPG

下白泥公廁，唔怕人有三急無廁所啦。

圖片參考：http://hk.geocities.com/otto653653/DSCAB0003.JPG

相中右邊是石橋，橋下是河，左邊車旁有一村屋，村屋旁有小徑行出海。

圖片參考：http://hk.geocities.com/otto653653/DSCAB0004.JPG

當然你可以落河行出海，河水不深，睇睇河道如何。

圖片參考：http://hk.geocities.com/otto653653/DSCAB0006.jpg

河道出海的景象，望向海風景如何？

圖片參考：http://hk.geocities.com/otto653653/DSCAB0007.JPG

沙灘上有紅樹可睇。

圖片參考：http://hk.geocities.com/otto653653/DSCAB0008.JPG

海邊的蠔石灘，有不少潮澗帶生物出沒，遠景是深圳灣大橋。

圖片參考：http://hk.geocities.com/otto653653/DSCAB0009.JPG

海邊的生物，兩隻小蟹。

圖片參考：http://hk.geocities.com/otto653653/DSCAB0010.JPG

難得一見的景象，就是有漁民在蠔石灘上捉彈塗魚，現時已甚少見，見到都是緣份。

圖片參考：http://hk.geocities.com/otto653653/DSCAB0011.JPG

當然少不了睇日落。
提醒一句，沿下白泥稔灣路一帶，並無商店食肆，所以糧水要自備充足，沿途亦無其他交通工具，只有徒步，所以去就要先選定地點，無地圖就不要四處走，不然迷路就行死啦！另外波叔及好姐釣魚場無食物出售，只供釣魚，無燒烤供應，不過可以借爐，食物同炭都要自備，所以若睇完日落又想燒烤，一是搬齊物資入去，一是向流浮山方向行約大半小時到「樂逍遙魚場」，或者過了樂逍遙魚場到上白泥的「上白泥農莊」（再行多約大半小時），都有燒烤供應。當然你可以乘專線小巴出去時中途落車，不過是要有位上到車才得。回程坐專線小巴，沿稔灣路任何位置都可以截小巴，不過是中途上車，要有位才上客，本人就試過截了多部車才有位上，有次更離譜，因無位上，索性由上白泥行到流浮山，行了個多小時，你行得嗎？
唔想行呀？俾個新界西的士台電話你啦：2457 2266，私人醒嘅，上唔到小巴就要call車啦！的士要電召才會入來，專線小巴尾車晚上9時30分由下白泥村開出，過時不候，上唔到小巴又無的士電召電話……行啦老友！
順便俾多個專線小巴網址你睇：http://www.i-busnet.com/minibus/，同更正網址上錯處，深灣路由流浮山至上白泥公立學校止，由公立學校往下白泥是稔灣路。

下白泥有自然景色睇，本身係一條鄉村，沒有甚麼
特別的商店。
黃大仙出發，可在黃大仙中心外 (龍翔道)，搭九巴
268C 入元朗 ($16.5，約 40 分鐘)，元朗大棠路落車。
然後向車尾方向行，第一個十字路口 (大棠路) 向左
轉，直入，之後左轉西堤街，再右轉泰豐街，搭
專線小巴 33 (有部份班次會用 24 座村巴行走，但係
同 16 座小巴一樣)，可以搭到入下白泥村公所。