想請問有關窩打老道豪華大酒樓擺酒

1.在open rice網站找到以下的評價:

好普通的酒樓
早上與外地回來的親友喝茶，因為就他們居住的酒店，所以選了附近的酒樓。

酒樓早上應有早茶時間優惠的，但他們選擇不多，食物味道一般，服務麻麻，好似問他們油菜的醬油是否分開上，回答是：「醬料梗係分開上啦！」、茶壺打開好一段時間才加水 (當時沒有太多人，侍應只是站著吹水)等。

若不是要遷就地區，一定不會選擇此店，我也不會再來吃，因為旺角有太多其他好的選擇。

2.無得揀, 因為我唔係老闆
今日夜晚, 以九唔搭八0既身份去了一個九唔搭八0既飯局, 食了一餐九唔搭八0既飯, 我唔係「主人家」, 無得揀... 佢0地叫了半席套餐, 9 個人食:
- 叉燒/乳豬/燒鴨頭盤: 成隻碟都係油... 燒鴨我無食, 乳豬燒得過燶, 叉燒叫做最好食.
- 西芹炒海螺雞柳: 又係太油, 雞柳好鹹, 海螺幾韌. 最大問題係唔熱, 食落溫溫吞吞, 感覺好差.
- 翅湯: 都預0左無乜翅, 不過食落胡椒粉味大過一切, 仲愈飲愈口渴, 仲唔係MSG? 呢碗0野, 車品品碗仔翅比佢好食100 倍.
- 芝麻蝦多士: 呢個尚可, 新鮮熱辣, 蝦膠算彈砌, 多士炸到脆卜卜, 不過有油益味.
- 瑤柱蘑菇菜膽: 個芡太杰, 又好; 瑤柱少都預0左, 菜ok, 不過蘑菇味道怪怪的.
- 鮑魚菇鵝掌(豆苗底): 又一個杰撻撻的芡, 鵝掌骨多過肉, 好在味道尚可; 鮑魚菇同豆苗ok.
- 蒸魚: 唔記得... 因為無特別.
- 炸子雞: 全晚最好食係呢個! 熱辣辣, 皮脆肉嫩, 仲唔係咁油, 幾好食, 亦令人諗起紅磡時新d 炸雞脾!
- 糯米飯: 雖然鹹0左d 又無乜餸, 味道算過得去.
- 伊麵: 腍bad bad 的, 而且無味.
- 糖水: 揀了芋頭西米露, 芋頭幾粉, 味亦濃, 不過太杰了, 叫「芋泥西米漿」更貼切.
- 果盤: 其實不值一寫, 但阿爸食了一啖哈密瓜, lur 都lur 唔切, 話有「怪味」, 都幾詭異.
- 紅豆桂花糕: 係兩層薄桂花糕夾住一層紅豆0係中間, 賣相「岩岩chaam chaam」, 紅豆甜到甩牙, 完全蓋過桂花味, 都幾難食.
- 仲有a la carte 的薑蔥蝦碌: 肉質結實, 食落爽口, 不過蝦頭d 黑色的膏係臭的, 認真惡頂.

環境還好, 起碼乾乾淨淨; 招呼就幾唔掂, 女經理嘮嘮叨叨, d 阿姐又唔醒目, 阿爸碗內有一大碗未食的魚肉, 阿姐竟然一手收0左去, 搞到EQ 一向高的阿爸衝口而出,「喂, 我未食0架! 呀你真係吖... 」@_@"

除0左炸子雞之外, 成餐飯的確算得上難食, 諗來諗去, 味道無理由唔俾1 分; 招呼又咁樣, overall 唔俾喊面真係唔得. 最值得同大家share 0既, 似乎只得酒樓環境0既相片!

3. 無能為力
練完歌又一班人去飲茶. 始終而度有地利優勢, 隔一輪又會再來.

都好少無位, 是日一樣直入, 大臺無難度. 隨意點了一大堆食物.

煎腸粉: 7分, 小弟帶小超出去揀食, 佢就揀了而樣, 點知返到位先知大家又要了一碟煎腸粉, 於是就兩碟一齊上. 煎得都幾好, 有點米香, 但幾油, 不過點醬食就幾好食.

鮮蝦滑腸粉: 5分, 蝦似乎唔係幾鮮, 腸粉就幾滑的.

蠔皇叉燒包: 5分, 搶了小超一個叉燒包, 唔夠熱, 叉燒好多肥肉.

流沙奶皇包: 7分, 而個好點, 奶皇真係流出來的, 熱辣辣, 但個皮都係麻麻.

檻仁馬拉糕: 4分, 唔夠鬆化, 亦無層次, 又無乜香味.

蝦餃皇: 6分, 比蝦腸的蝦較有鮮味, 但皮比較厚.

燒賣皇: 5分, 小小的燒賣, 當然唔係甚麼皇. 賣相麻麻, 味道都係一般, 豬肉幾肥.

西生菜: 6分, 份量係幾小, 唔抵.

魚片肉片生滾粥: 6分, 粥唔係點入味, 魚片有點腥.

味道係非常一般, 但地利關係, 下次大家要再來, 我也是無能為力.

4.雞包唔熟...
呢度最好既地方係有d懷舊點心,例如雞肉大包、鵪鶉蛋燒賣咁,不過個大包d雞居然係唔熟既...透明粉紅色咁...成舊冇食到

5.自己就唔會去 晚飯

人哋公司春鳴，所以去咗食飯，不過地方屈質又唔多乾淨咁，嘢食就一定唔係好食，自己一定唔會去！

乳豬：非常之肥，唔太好味
翅：完全係冇乜翅，好似食緊糊仔
炸蟹蚶：啲油絕對係用過好多次，有陣味．．．
笑口祖：一樣啦，本來幾好味，但係油係用得太多次，以致有異味
芋頭糕：太甜，而家啲人食甜品係鍾意少甜但要有味
伊麵：太油膩，唔敢食太多

其他餸一般，服務唔太好，叫加茶又冇人睬，因為個個waitress/waiter掛住睇住台上啲人講嘢同玩．．冇黎專業！