✔ 最佳答案
我唔知你所謂分級係乜意思. 如果你係話學歷, 中學有得學, 大學學士學三年, 碩士及博士都有. 會計亦不限於中學般只係計數、入帳及做報表. 上到大學要學好多財務會計以外知識, 例如cost and management accounting, auditing, taxation, ethics, financial management, law, business, management等. 這些知識到你將來做野有用.
會計要讀幾多, 視乎你想做乜. 會計文員最重要有LCCI中級至高級證書, 要求較高者要求文憑學歷. 會計文員好難長遠講讀幾多就stop, 今時今日已經有人只係得中五+LCCI中級驚被淘汰. 如果你係想做會計師, 最好係大學畢業, 之後考HKICPA的QP再儲3-5年認可工作經驗.
如果你係完全唔識會計, 我建議你先讀LCCI先, 睇自己係唔係適合讀會計, 亦了解會計要讀乜. 不過, LCCI唔係會計的full picture, 比LCCI更難的還有很多, 例如ACCA, AAT, PBE, QP.
會計知識係無限, 要學唔係限於書本上, 而且你大學畢業唔代表學習生涯的結束. 會計準則年年都會改, 大改小改都有. 唔通你畢業後就代表你唔駛update自己? 做審計客戶來自不同行業, 香港以至全世界咁多公司, 你有能力知道晒所有公司法例及其他要求咩?
你學歷太高, 有時搵工未必會著數好多, 大會計師樓請graduate post, 無論係degree, postgrad定係phd都係一視同仁. Postgrad方面, 除非份工要求你真係要求postgrad學歷, 或者迫住形勢要學, postgrad學歷係會計界作用不大.
2009-04-30 11:37:58 補充：
會計工時方面, 要視乎你公司規模及文化. 大會計師樓一定有幾個月差唔多每日做到凌晨兩三點. 新入行薪金約$11700, 未扣除任何無薪假期及以折支薪. 細會計師樓睇公司, 有d公司好少開OT, 但有D就成日開. 人工方面因為資源少, 新人行月薪未必過一萬.
2009-04-30 11:38:04 補充：
出路方面, 報紙佬話會計前景好好, 以及話任何公司任何時候需要會計. 以上只是騙細路入行的說話. 我相信你過去四個月聽到唔少大型會計師樓裁員及放無薪假的新聞, 最賺錢業務已經接近無, 各會計師樓要減核數費爭客, 養唔到咁多員工下就要咁做. hkicpa有可能容許大陸人簽核數報告. 如果真係實行, 香港會計行業飯碗真係幾難保得住. 仲有, 香港已經有唔少會計公司以超低價錢幫公司做會計工作, 而且有些公司已經將會計工作北移. 會計前景未必如報紙佬所說的好.
2009-04-30 11:38:09 補充：
一年大學加副學位已經有幾千人畢業, 四大會計師樓每年只係請二百幾人. 剩下的有部分去政府做, 有部分會去中小型會計師樓, 有部分會去私人機構做會計工作. 金融海嘯下亦有多一班有經驗的人在市場找工作, 短期內無經驗會幾難搵到工. 如果你讀完年紀接近30加無相關經驗就更加考慮清楚.
2009-05-03 10:56:45 補充：
會計師樓亦未必容易做. 我唔講你考會計師牌, 最重要係點打理生意, 生意唔係話黎就黎, 你點同人地推銷吸引人地幫襯你公司? 你做老細, 點管下屬同向人推銷係你負責. 你想鬥平? 有d細會計師樓平到做爛市. 我見過有d公司只係收人$3,000核數費(當然公司規模較少). 細會計師樓客人主要係中小型有限公司, 細公司唔會點理會計師樓質素, 見邊個平或者邊個老友揀邊個. 你收得太平, 最大問題係能否維持生計.
2009-05-03 11:15:43 補充：
內地人做野人工低好多, 請一個香港人做會計文員九千, 呢個價我諗起大陸起碼請到三個大陸人做. 作為內地老闆緊係請2-3個內地人做. 你接唔接受到咁低人工?
兩三年香港會計行業仲可能有點生存空間, 但長遠就好難講. 你都聽過中國大力發展上海成為國際金融中心, 而加係講緊上海能否超越香港. 有人甚至話上海好多方面已經超越香港.
2009-05-03 11:15:48 補充：
無一個行業係永遠吃香. 物流業而家香港最大競爭對手係大陸, 內地運輸費平過香港好多, 加上已經不斷起碼頭, 貨源而家主要集中於大陸. 有運輸公司話如果香港仲唔保持及增強優勢, 香港物流業三年內玩完.
旅遊主要受政府政策及外圍環境影響. 內地及其他國家已經做好多野吸引旅客(例如: 兩岸直航, 自由行), 你睇下香港做過乜? 咪主要吸引自由行買貴價貨.
營養師就唔係太清楚.
2009-05-03 13:32:06 補充：
補充, 香港已經有千幾間會計師樓. 之前有報導話有45間執笠, 只係佔全部5%, 可以香港有幾多會計師樓. 最大有4間, 中型有十幾間, 其實我諗都係細會計師樓, 可見細會計師樓競爭其實好激烈. 點好好打理係一門學問.
