太太月事期間, 丈夫應做及不應做些什麼.

1)買朱古力佢食, 聽講月事期間食甜野可以減輕痛楚.
2)飲保礦力, 要熱飲, 聽講都可以收到以上之效.
3)盡量不要俾凍野佢食, 因為會加重痛楚.
4)同佢分擔多d家務, 盡量令佢沒有太多郁動.
5)當然不要在這段時間提出房事, 因為進行期間會更痛, 因為子宮收縮關係.
其實女人一般月事時情緒都唔太開心, 最緊要你唔好特登惹佢, 係佢面前做d佢唔鍾意既事, 基本上都無咩問題, 唔駛專登去做d乜, 唔段時間佢唔開心一定會, 但過後就無事架啦.

飲食上,
當然係比朱古力佢食,比熱飲佢啦...
肚仔都會舒服啲...

行為上,
真係人人唔同...
有時一句話明知你係無心...
但都會 control 唔到自己而變得有點火...
最好當然係任得你太太咩都唔做休息吓啦...
佢痛到死的話,請比佢一個抱抱...
(因為我痛到死嗰時都要想男友抱抱,
雖然無任何幫助...但感覺都唔錯~~)

2009-04-29 13:26:42 補充：
咁又唔驚會冷落佢...
有時候各自各做嘢仲好...
要知道 Lee 個時期嘅女人情緒係好不穩...
無咩事其實都可以閃開...以免你做咗錯事而令佢嬲...
但有事要即刻彈出嚟喎...

既然太太叫你死開...咁你只好死開... = ="
月經期間,女人大晒... =P

P.S.
有你 Lee 個老公真好!!
咁關心老婆!!

我覺得你咩都唔使做,因為月事期間女人既情緒好差架,你講咩同做咩佢都好似唔鍾意感,唔緊要架,你只需要做一件事就係"容忍".過一陣就冇事架啦,佢心情就會好D架啦,因為我自己有時都係感,唔知點解好似好唔開心同好燥.希望你太太都係感啦!

太太月事期間, 丈夫應做及不應做些什麼?
月事每月都有,難得你咁體貼太太問D咁既野,如果沒有來經肚痛,
經痛之類煩惱,同平時冇乜分別,一樣返工,買餸煮飯,揍仔返學.愛
護太太,可以幫手做家務,或睇細路做功課,幫輕下.
只是,來經期間,最好暫停房事,不衛生.