請用心地俾下意見我吧，我好需要正能量

我男朋友之前撞番一個舊男同學，舊男同俾左0的舊同學資料佢，叫佢ADD番，因為聽個舊男同學講，佢地間中都會出來聚會。
我男朋友35歲了，同0的舊同學無見都有10幾年了。佢係FACKBOOK ADD下ADD下，ADD番好多男男女女的舊同學，其中一個係佢讀中4時的初戀情人，我問佢，佢都有答我，話那時只拍了好短時間。
那個女人都已經結左婚了，聽講唔生BB，過2人世界。雖然係甘，但係而家個社會甘，佢又無生BB，點知佢會唔會係怕悶的人，點知甘耐遇見番會點。佢地係FACKBOOK都間中留下言，我就成日開FACKBOOK，睇下佢地留咩言，跟住又問下我男朋友點解咩咩咩，會唔會咩咩咩.......我既心成日都存有懷疑，(因為始終都係初戀，特別深刻)，再說，我男朋友一直都無出面的朋友(佢0的朋友即係同事，因為日對夜對，對左成10幾年)，唔去玩，好重家庭的人，而家宊然撞番0甘多同學，宊然有甘多朋友，我好怕佢會因為佢地而忽略我，而且有甘多女仔。(有很多都結左婚，有0的生埋BB)。

撞番到而家，佢地都未有時間見面聚下舊，不過遲0的會，我同男朋友前幾日都因為佢帶唔帶我出席的問題而吵過幾次架。佢覺得第一次舊同學聚會，又甘耐無見，佢覺得唔帶我出席好正常，但我又覺得甘耐無見，大家都有自己的生活，有自己生活的一部份，一齊出來無咩，除非佢唔想我看到佢同女同學熟...後來，吵左幾次，吵到我話心淡，佢先答應我，之後都會同我去.....

我而家成日都擔心，焦慮，成日看facebook佢同其他人或者初戀的留言，因為我無add到佢既初戀，所以毛不能睇到佢既相，於是我又想辦法從佢其他0的舊同學相度睇下找唔找到佢既相看一看，我發覺我自己唔可以甘樣繼續下去，因為會有很多負面問題發生，甚至會令我精神緊張，疑過重。我很清楚自己對佢存在不信任，及没有信心。

請用心地俾下意見我吧！多謝各位......