我想醫生,係334中二,請高人指點下

讀醫科唔係只係要英文好, 仲要整體考試成績都一定要好. 而家讀醫科, 高考無2-3科A再加1-2個B, 會考無25-26分或以上都好難入. 我相信到334, 醫科收生成績都係會高.
因為醫科一定要讀最少一科理科, 所以如果你理科唔好, 要考慮清楚係唔係應該放棄醫科. 選科要衡量自己能力及興趣, 唔好因為某些原因選自己無能力及興趣讀的科目, 到時你考得差無大學收先後悔就太遲.
334學制下港大及中大醫科入學基本要求: 4科必修+最少2科選修合格.
選修科要求:
港大: 化學或組合科學(包括化學)必須合格.
中大: 以下一科：
化學、生物、物理及組合科學