手機飛線番大陸問題

你可以買中國聯通出的"如意中港通"一卡兩號充值通話卡,即是一個張sim卡內包含一個香港號碼和一個大陸號碼,當你每次返大陸之前先飛線去該張卡的香港號碼,過關後換上該卡,到時若果人地打你香港電話便會自動駁去該卡的大陸號碼,當你在大陸接聽時和撥打返香港都便宜,另外,該卡在香港亦可以撥打國內長途,詳情和收費如下

如意中港通(收費港幣及每分鐘計)
隧道牌照費每月$6
送來電顯示
*在國內/香港接聽任何電話或撥打國內電話劃一收費$0.55
*在深圳撥打回香港電話為$0.8 (撥號前打96525+00852)
*在國內其他地方致電回港$2.05(撥號前打17911+00852)
*在香港致電回國內$0.85(撥號前打16401+86)

附設自動澳門,台灣漫遊服務:
在澳門接聽電話,致電回港或致電國內為$1.5
在台灣接聽電話,致電回港或致電國內為$3

首次買卡$120,已包$50話費,之後可以隨時在國內或香港買充值卡充值,十分方便,有關如意中港通的其他資料,使用方法和銷售地點,你可以參考下列網址

http://www.hkunicom.com/information01c.html

2009-04-27 20:51:00 補充：
中移動都有,佢地都有出一張一卡兩號話卡"神州行香港卡",但係要俾月費$25一個月,人地打你香港或大陸號碼響香港接聽免費,人地打你大陸號碼響廣東省內接聽都係免費,但若果人地打你香港號碼響廣東省內接聽電話就要收0.69(人仔)一分鐘,響廣東省內打返香港或內地電話要$0.49(人仔)一分鐘,除非你成日有大陸朋友打俾你要響香港聽,否則不建議你用,收費亦較聯通貴
另外,個d飛線漫遊服務其實都係要收月費,佢地只係提供香港號碼飛線去大陸號碼服務,另外你又要響國內買一張神州卡/如意通電話卡,又係要俾月費,唔會有個大陸手機號碼俾你....若你唔係長期響大陸住或工作,都係唔化算

2009-04-27 23:28:18 補充：
今日響落馬洲關口睇到有一間做飛線漫遊的公司只係$0.15一分鐘,話就話唔駛月費,但同樣地你最少都要出番張如意通通話卡,收月費$6,之後接電話每分鐘$0.2-0.3,但係冇咁方便,同埋打返香港差不多要$1一分鐘,相比之下若你是經常返去倒不如出番張"如意中港通"好得多

買張大陸咭﹐末過關之前就張香港個電話號碼飛 線去大陸果個號碼度﹐咁咪平D電話費喇﹐通常用先計錢﹐張咭用完又可再增值。

好簡單..
用漫遊唔洗月費,唔用唔使錢,用先計錢!