宗教信仰算是一種逃避現實的表現嗎？

你當然唔可以咁講啦！

　　世界上有好多唔同group嘅人，每一group入面嘅人都有唔同嘅態度。例：世界上中意種花嘅人好多，入面總會有一兩個係因為想逃避現實，唔想面對佢地覺得醜惡嘅世界，但係唔通咁就代表所有種花嘅人都係逃避現實？當然唔係！
　　同樣地，有宗教信仰嘅人有咁多，有一部份可能係覺得佢地信佢地嘅神就會有佢地心目中嘅好生活，於是中個頭埋去。逃避現實嘅係一定會有。但係你唔可以忽略其他更多更多努力喺現實中生存嘅信徒架喎！

　　其實宗教本身係同逃唔逃避現實一啲關係都冇。你可以話宗教信仰係一種做人宗旨。每一個教都會有佢想宣揚嘅訊息，好似天主教就教人要愛人幫弱者；佛教教人唔好俾啲世俗嘢影響 (我唔係啲鑽研唔同宗教嘅人，講唔啱唔好怪我啦，反正main point唔係佢地嘅宗旨係乜)。信佢地個教嘅信徒都係buy嗰種宗旨啫，咁梗會有啲人係用錯嘢，咁係嗰啲人嘅問題，而唔係個宗教。如果淨係為咗逃避現實，嗰啲人.............我覺得就算佢地入咗佢地個教都唔算係一個信徒囉.....................

　　其實唔係逃避現實，有好多信徒，反之，係籍着佢地個宗教而接受咗現實，努力面對佢地現實中嘅問題。就好似上面001講嘅嘢，戒毒嘅人，佢地就係藉信仰，面對佢地原本好想逃避嘅現實──吸毒嘅問題──真係好努力咁解決咗佢地嘅問題。亦有面對家人離世或者其他困難嘅信徒，靠佢地嘅信仰而接受到嗰啲佢地改變唔到嘅現實。

　　如果你係覺得宗教信仰算係一種逃避現實嘅表現嘅話，咁你就係未睇清楚宗教係乜，睇到片面就下判斷。我唔敢講我講嘅嘢一定係全部啱哂，畢竟宗仰其實係一樣好深奧，同好個人嘅嘢，我都未肯定自己究竟係信定係唔信，但係我可以話我知道宗教唔係逃避現實嘅表現，呢樣一定冇錯。我覺得你應該每一樣宗教都接觸下，睇下究竟宗教係乜。

希望我答到你啦！^ v ^

宗教信仰是用來面對現實﹐現實就是生活﹐生活就是感性。

很同意QQ網友的講法,信仰宗教可以改變內在的人心,找到自己心靈的方向.

係尋求答案既地方...

以前d皇帝一有問題都係去佛寺問禪師請教啦~
西方國皇都係架...

只不過係有左答案, 條路你想繼續一個人行
還是多d人一齊行之嘛...

宗教信仰是實用的工具 , 可對治心靈 ,
你或會看到有人藉著宗教信仰來逃避現實 ,
尤其當人心靈脆弱的時候 ,,,,,,

其實 , 宗教信仰很講求用者心意 ,
有人用它來磨練自己 ,
有人用它來改變自己 ,
有人用它來導悟眾生 ,
有人用它來賺取金錢 ,
有人用它來但求安眠 ,
每個人都有其心靈上的需求渴望 ,

絕對唔係.
你唔認同的話,就自己去查吓,現今最有效嘅戒毒方法,宗教信仰
一定會係前3名之1.(你用腦想一想,一種逃避現實的表現有可能令一班喜愛逃避現實而吸毒的人,從新勇敢地站起來面對呢個社會嗎?)