[尊重]到底係咩意思??點樣先會做到尊重別人~

✔ 最佳答案

　　最基本嘅尊重就係唔令到其他人覺得比自己低下，唔踩人。好似人要有禮貌，唔亂鬧人都係尊重人嘅一種。至少，人地做錯咗嘢，對你唔住，你唔好破口大罵，即使你嘅內容係好有道理，又冇人身攻擊，因為你大聲鬧，令到人到唔舒服，覺得自己好似被你教訓，踩咗落去咁。應該做嘅係用一種議事論事嘅口吻，清清楚楚咁同人理論，俾人有辯駁嘅機會。

　　如果再上一層，就要睇埋身份。好似老師同學生，父母同子女。一般嚟講，後輩就要尊敬長輩。好似，我地同老師講嘢都會比同同輩講嘢再有禮貌少少啦！而老師，因為係「高級」啲，所以上一段所例，有理咁鬧啲學生嘅話都ok，但係都係唔可以人身攻擊。但係其實而家呢個社會入面，呢樣嘢都好似慢慢變得越嚟越唔重要。我算係比較傳統嘅一個人，覺得老師係需要尊重嘅，但係對於一啲真係好差嘅老師，我雖然唔會冇禮貌對佢地，但係背後都會講下佢地，又或者喺月記喥同佢嗌佢上堂講過嘅嘢..........................

　　最終極呢，就係唔睇人地係咩身份，都對人地尊重有加。好似Mother Theresa，病人嘅社會status係低啲，但係佢依然對佢地好好，令佢地開心，消除咗佢地覺得自己好低下嘅感覺。

　　總之，一個人係冇權令到另一個人唔開心架！極端啲咁睇，令人唔開心嘅人就係夾硬令一個唔願意唔開心嘅人唔開心，即係強奪他人歡樂啦？咁同土匪賊仔有咩分別？唔尊重人會令人唔開心，所以佢地同土匪賊仔無分別！會為他人設想，就係最小嘅尊重。

希望我幫到你啦！^ v ^

[尊重]到底係咩意思??點樣先會做到尊重別人~

回答 (2)