感情煩惱 (同性戀-3-)

請大家睇下我個case跟住比d意見:
我讀緊女校. 大約兩個月前, 我因為同班上一個tb因為傾左幾次msn而變得熟左. 同佢傾既原因係佢岩岩同佢條女散左, 佢好唔開心. 其實係開學果時我已經同佢係fd, 但近排突然變到好熟, 仲因為我同佢太熟而令到我同班好朋友反左面. 因為咁我同佢便得更fd, 次次分組果d都一定會同佢. 因為同佢傾多左計, 知道左佢好多野. 佢好多祕密我都知 (佢淨係會講比我同另一個佢一直好fd既朋友聽) 因為我同班上好多人都反左面, 而家係班上面我得好少fd, 而真係傾得埋 會一齊食飯果d就得幾個, 其中一個係佢. 近排, 佢同左另一條女一齊, 佢會將佢地做過既野講比我聽.又會比佢地d sms我睇. 表面上我好樂意聽, 但其實次次都唔知點應佢好. 有時.因為其他d fd唔得閒,我會同佢單獨放學.食lunch等. 唔知點解. 我好enjoy果段時間. 我亦同佢其他d fd熟左. 有一次比人傳我地一齊,表面上好尷尬,但其實內心好開心. 又有一次, 我應該有d野做要走先, 佢拉住我隻手叫我唔好走. 果刻比佢拖住真係好開心. 有時, 因為佢要等佢條女而叫我陪佢. 我都會陪.因為好想同佢單獨相處. 雖然佢個心係去左佢條女度. 其實佢好關心我.但我覺得佢對我既只係好朋友既關心. 我覺得我係鐘意左佢.但我冇勇氣同佢講.驚講左連朋友都冇得做. 其實我有時好想佢同佢條女散.但佢係一個好長情既人. 其實.我呢排好唔開心(因為頭先提及既friendship問題), 我好想有人關心.好想拍拖.其實我知我自己係鐘意男仔 ,但讀女校真係好難搵到. 究竟點做好?大家比d意見我呀唔該.