家庭暴力...我比我阿哥打...

我屋企裡面本來有6個人嘅...爸爸.媽咪.大家姐(24歲).阿哥(22歲).二家姐(18歲).我(16歲),宜家阿哥有左老婆(20歲)之後有左兩個BB(2歲幾)(6個月)
我阿哥由我小學開始就打我...我爸爸媽咪都只會話佢幾句...只會同我講:(唔好同佢嘈喇,我地話都冇用...你講都冇用嫁喇...)次次都叫我唔好理佢...
有次,我仲係小學嗰時,佢有一次打到我隻手腫左...我爸爸都唔理...只會話下佢...但我真係好辛苦...因為我次次都唔夠佢打...但...佢真係好過份....
佢因為喺小學嗰時同D唔好嘅人一齊玩...所以比學校踢左出黎...之後媽咪佢地送左佢去文武學校度讀書...番到黎...佢就因為小小嘅事都會攞我地黎出氣...例如我講佢小小野,佢就會勁大聲咁同我地講野...之後就會沖過黎打我...宜家我已經中四喇...佢宜家都有老婆同BB,但佢宜家仲恐怖...
佢有左老婆之後,佢根本冇心做野...佢做左幾個月之後就會唔做,又或者番大陸...有次阿嫂佢病左...去睇醫生先知...原來係因為佢番去亂咁搞男女關係...
佢哩幾日由大陸番左黎...佢又唔揾工...日日只係留喺屋企玩電腦...日日都攞爸爸D錢...之前仲攞個爛電話去騙我大家姐個新電話...仲偷我屋企D錢...
佢冇錢又唔去做野...BB冇錢買奶粉...媽咪話佢...之後佢話:(你咪唔好理我地囉...等D BB餓死喇)
佢咁講野係咪好過份先!!!
佢琴晚仲打我...之前我帶個朋友番屋企,佢咁岩同媽咪佢地嘈緊...佢就發曬神經咁亂咁(釘)野...之後仲囉刀叫我爸爸殺左佢...因為佢知道爸爸係唔會比佢死...佢就用哩一焦...
屋企我地三姊妹都比佢打過...其實我知道全屋都冇人中意佢...但...爸爸由此至終都係只會幫佢......琴日阿哥打我之後...我諗住還擊嗰時...我爸爸佢都打埋我...點解...係佢打我...點解爸爸仲要係打我??
由細細個嗰時,佢打完我之後...我都會同媽咪講話:(不如我地打999喇,佢成日打我地...)
但媽咪只會好唔開心咁同我講:(你忍下佢喇...)
所以我次次都冇去求助...我真係好想有人可以幫倒我...
但我打左999嘅話,我爸爸媽媽就會憎死我...