朋友既問題-6題問題-

　　傻女嚟架！千祈唔好諗唔要朋友！！成世人流流長，冇一個frd苦悶之餘好容易會有心理問題架！朋友係好重要嘅一樣嘢，睇下你為咗朋友而家咁苦惱都知有幾大影響力啦！

　　我細個都哨牙，仲要係哨到盡嗰種，而家箍咗就好返，但係一直以嚟啲朋友都係咁上下多。有冇朋友同哨牙係冇關架，你放心..........= v =..........
　　搵男女朋友我就唔知啦，但係我聽過啲人講話第一印像係睇樣，但係到識咗，相處耐咗，其實都係性格啫，樣其實唔太有影響。

　　呢係事邊個啱邊個錯就好難知，但係佢一開始一定係覺得你錯，應該仲係好錯嗰隻。唔理佢而家仲係咪咁諗，但係冷戰確實係好傷。嗰件事其實係咪未真正解決，你地冇認真傾過？但係就算有，其實都要睇下個人性格嘅，都可能會落得同一個下場。我以前有一個我覺得佢真係好好好好嘅朋友，冷戰過一次，感情已經滑落咗好多，過咗一兩年，而家我同佢先變返好似普通識人，見到會傾一兩句咁 (我好似同你都幾似喎，又哨牙，又同朋友冷戰完就衰咗^ v ^) 。其實一場冷戰之中有好多含意：首先大家意見不合；其次大家唔想開心見誠傾表達自己意見(連交都唔肯嗌)，咁即係大家都唔係坦誠相向；一般嚟講，兩個人冷戰，中間梗搵啲人做磨心 / 建立勢力，咁即係冷戰嗰兩個人都想對方被孤立。仲有，喺冷戰其間，雙方都唔想理解對方，自己一個人係咁諗好多衰嘢，鑽哂入牛角尖。咁多種種加埋，其實一場冷戰真係會留低好大條刺，所以其實如果你緊張一段友誼，寧願吵大交吵到全世界都知，都唔好冷戰。你地個情況，我相信應該都冇乜轉彎餘地架啦，由得佢凋淡啦，過多陣就會冇事。

　　你話「冇人理你」即係冇人願意同你深交？咁會唔會係你俾人嘅感覺唔夠誠懇？可能啲人覺得你都有啲拒人千里。平時對人友善啲，唔係淨係指行為，而係成個態度都要轉。俾人個感覺陽光啲，有啲生氣，啲人都會願意接近你。即係你要笑多啲！仲要笑得好開心嗰種！要搵方法令到自己好開心！仲有要令自己有啲正面樂觀嘅性格，要顧人感受，咁就會有長久友誼啦！如果你係俾冷戰件事纏繞，令你日常交際都唔係太好，咁你就放開件事，由得佢過去啦！同女仔玩唔得，可能係性格唔夾啫，你可以試下同啲男仔玩呀！我細個喺幼兒園都同男仔玩得多啲，都冇問題！但係女仔始終都要返啲女仔frd嘅，大家明大家啲吖嘛！同埋其實我都冇同男仔玩好耐....唔知同男仔玩得唔得............
　　總之一定同樣冇關！你放心！(除非對人嘅態度都計埋喺「樣」入面，咁第一步好主要都係因為個樣............)

　　你另外嗰個點厄你？佢咁對你，其實唔係一個朋友所為，但係如果你係咁緊張要呢個朋友嘅話，你可以睇清楚啲，試下問佢，搞返清楚件事究竟係點，中間有冇誤會，唔係第二場冷戰又嚟緊架啦！如果你係唔太着緊嘅，咪物色下啲新嘅朋友囉！或者唔係你呢班，可能係隔嚟班、以前同過班嘅人都可以試下做朋友吖！其實同隔嚟位就最容易frd得起架啦！日對夜對實有感情嘅！

　　記住，你想人點對你，你就點對人。雖然人地未必100%好似你對佢咁對你好，甚至有啲人衰仲可能會「負心」，但係你唔對人好，你一定唔會得到你想要嘅嘢。嗰啲負心人，你唔駛驚，只要你對所有人都好，啲人都會撐你，啲人點負心都唔緊要！

希望我幫到你啦！^ v ^

2009-04-26 00:59:58 補充：
搵啲真正好嘅知己，係唔急得嚟架。先搵咗啲好朋友，之後隨着時間過去，邊個可以做你嘅知己自然會知道。只要對人真誠，交個心出嚟，就一定會ok！其實同人相處都係貴乎「誠」。你輕鬆啲咁搵，人地喺你身邊都會覺得舒服輕鬆，自然個個都會中意你！

對唔住，漏咗啲咁重要嘅嘢 ^ ^"

哨牙就冇朋友or難找朋友????? 我的兒子都是中一.都是哨牙.佢有好多朋友.所以你對哨牙有自卑心理.才會覺得別人介意你個樣.而哨牙都唔係死症.你何必介懷.

兒子是參加田徑組.有定期練習.所以可以定期同朋友見面保持得到朋友關係而佢次次都做後備冇自卑只重要是有得玩,所以佢無介意別人眼光,


你要廣展你的活動圈,參加一些羣體活動.即使自己體育唔叻都可以參加因為你目的是去識多d朋友.唔係去曾叻.


去康身處參加活動.社區中心.教會.....可以識到唔同學校d朋友.對你觀感會有分別.你就會知道你Ｄ牙沒問題.


你自信不足影响到你的行為.別人會感覺到你怪怪而你ヌ同d女仔玩得熟,男仔好善慕你所以才唔揾你.


唔好想太多心,順其自然.要學愛自己.哨牙好看.個樣都好.別人怎看無所謂.最重要是自己個樣是天生.靚同唔靚都是我..活出真好才開心

You do not have to have too many friends
A few true friend is enough for everyone
I also have only a few friends
but I have a true friend that I can always count on
as long as they are next to you and willing to listen to you
you already have them as your friend
It does not matter your face or anything
All you need is to treasure the few friends you have right now