演藝面試 獨白問題!!急plx

我以前既老師係APA度教，佢話最好搵d係出名既劇目度抽出黎既個人獨白(例如莎劇，去圖書館會搵到，其實d字眼自己改少少都冇問題，始終中文既劇本都係翻譯出黎，最緊要係令自己講得順)，同埋最好背左段稿佢(其實依個係基本條件)，因為去到佢會建議你唔睇稿咁演譯出黎，簡單d係想睇你演戲，所以你入到果間房當自己係台上演出咁，認真d投入d，你訓地佢地都唔會阻止你(如劇情需要)，同埋唔好同其他面試既人比較，個個人既特質都唔同，冇得比既，如果到時緊張就更加唔好睇其他一齊面試既人表現成點。

其實如果要入APA，識得人係好著數，入到去既機會係99.99%，係學校有人照住你，同埋你要有心理準備入到去係競爭得更激烈，同埋要預左會有極度既唔公正存在，始終人係有感情既動物。因為依行係香港既發展空間唔大，好多人都想發圍，友誼係裡面會係幾表面既野...想講既係，如果唔識人既話，面試要加倍努力!我講依d比你知唔係想打擊你，只係希望你有心理準備，就算平日比人地話你有依方面既天份都好，如果性格好似我咁唔鍾意同人爭風頭既，我會勸你唔好入，因為裡面乜都要爭，係入面會增長得最多既唔係戲劇方面既知識而係人際技巧...但係一定要去面試，因為對於真係鍾意演戲既人黎講，APA既面試係好好玩既~

如果你平時有做開戲既，差唔多考完會考先練都未遲，好快預備好嫁姐；如果你冇乜演戲經驗既，就更加唔使趕，因為一睇你做就知你係新手，到時入唔入到就要睇你同班考官既眼緣。

2009-04-30 15:14:37 補充：
同個老師熟既話你最好話佢知你去in APA，睇下佢識唔識人係APA話得事，因為每年收生唔多(最多果屆好似收得15個，佢揀唔岩可以一個都唔收)，想入就要自己爭取下。

可以發表既字數有限，係「補充」度再講~

2009-04-30 15:24:23 補充：
聽你咁講我覺得演名劇唔係冇可能，你大可以揀喜劇黎做，搵d你易掌握或你之前演譯得最好既果類角色會最快上手。演名劇係有準備過既有力證據，亦俾評判容易評定你既實力，同埋肯定你係有準備過先去in，而唔係求其去到先即興諗d野出黎演俾人睇。至於有冇利就要睇你發揮成點，用自己既風格去演譯番d人地睇過萬幾次既劇，唔破壞到原著既精髓之餘亦有新鮮感就算成功。喜劇最緊要捉到笑位，否則會悶死人。

2009-04-30 15:27:29 補充：
無論覺得自己有幾不足都好，係踏上台果刻開始，一定要對自己有信心。因為我背野唔叻，經常都覺得自己準備未夠充足，但無奈已經夠鐘都要照樣演出，每次我都話俾自己聽我記唔到既係字眼，我明個角色諗咩，只要順住個劇情演，就算唔記得d對白我都會接得準，所以應該有信心演好佢。連自己都唔信自己演緊既野，就說服唔到其他人。

2009-04-30 15:27:45 補充：
戲劇最重要既元素係觀眾；做演員要識得吸引觀眾注意(例如我咁，一講野就會引黎好多人留意，所以我靠把聲，每個人都有自己特出之處，用既方法都唔同，所以依點要靠自己摸索，一但掌握到依點就已經成功左一半)，當你上到台時要囉到觀眾既焦點，咁接住落黎你傳遞既信息先有人接收。

無論點都好，唔好太擔心，first in果3 parts唔太難。

祝你成功 :-)

完來係咁嫁- -
咁我要快d搵番之前教我做戲既老師啦!
不過唔知佢有冇係o演藝到做wo
我淨知佢都幾出名........
但係要搵佢都幾難嫁/ o\
如果自己作一段去演會唔會有問題嫁?
因為我覺得演名戲對我好似唔多有利...
一來,我係新手只參加過校內剛剛開的話劇
二來,我只係演過一套第二重戲的角色 同一套一班人自創
的 劇,只有3次踏台演劇的經驗!(同係d傻氣,的角色)
就係咁報左演藝= ="
我怕自己搵唔到果d名劇角色的神"水"
果d考官一定都會睇過....
咁好似對我e d 新手好不利

2009-05-01 00:18:27 補充：
多謝你!!@o@