開鋪一問, 有租鋪經驗的人請幫幫忙...

本人係銅鑼灣金百利開日韓時裝鋪, 但因私人原因無法打理, 而家想睇下有無人想租鋪/ 頂手, 有意者可以同我聯絡~我地已經有一班熟客而且裝修仲新~ 租金合理~

謝!

[email protected]

一般搵舖都會經agent, 所以你最好經地產公司帶你四圍睇較慳時間, 因為有d業主怕麻煩, 都會交俾agent跟, 好過時時去開門嘛, 其次租客要俾既commission有得傾, 可以事先問左收費先決定搵唔搵佢地幫手.

睇啱鋪頭來來去去都係傾: 1)租金管理費差餉地租, 2) 年期, 3)免租期, 4)送裝修/現狀交收, 5) 到期交收狀況, 6)按金, 7)有無水電錶甚至冷風機連出風位提供等.

合約上要留意以上提到既細節有否列明清楚, 如果單位內有間格或任何固定物件, 最好交收單位時影一套相大家各keep一套, 日後還原單位亦較容易亦會減少將來不必要既麻煩.

合約可以自己或律師樓制訂, 視乎你睇中果間舖係咪大公司擁有, 小業主未必搵律師樓搞, 可能只會經地產公司搵份standard文件就算, 最後打埋厘印就ok., 如果你認為有需要既話, 亦可以搵律師幫你睇合約, 當然你需要支付律師費.

最後, 建議你睇政府一站通網站, 雖然唔係教晒你開舖手續, 但亦有好多野幫到你, 例如有關註冊, 牌照, 稅務, 強積金等, 通通都同顧主及做生意有關, 絕對值得參考.

你可以搵地產代理幫手, 鐘意邊區的就搵邊區的地產代理, 不過, 搵地產代理 如果租得成 是要比佣金的, 地產代理的佣金通常都是相等於半個月的租金的。

你亦可以, 自己行街 自己搵 又得, 也可以 在廣告中找 都得, 但如果唔經地產代理, 可能有D潛在的問題你自己未必識?

例如租比你嗰個人 係咪 業主, 就算佢係業主? 佢個單位出租有冇問題?

個單位有冇乜野法庭命令 或者 有沒有什麼限制?

這都是要搵地產代理的原因。

在確實間舖冇問題後, 在睇啱後, 傾細節時應該盡可能講平D價錢啦?

包唔包差餉?

包唔包管理費?

免租期長D梗係最好(通常好多時都有 一個星期 或 半個月左右的免租期的)?

在合約上要清楚, 乜野會包, 乜野唔包, 裝修時乜野可以拆, 乜野唔拆得, 第日租約完左要交番D乜野比佢? 到交番比佢嗰陣時 幾時 會退按金?

合約一般都是地產代理幫你地準備的, 不過內容是可以根據雙方的意願去更改的。

唔同既鋪頭有唔同既手續, 真係唔知你想搵乜野資料?