不孝的女兒??

我覺得你言語間己認為這樣的行為是很不孝, 既然如此, 為何你仍然要問人呢？要得到其他人認同嗎？

老實講, 結咗婚搬去同老公住係好正常的行為, 唔通結咗婚之後個女仍然同自己父母住, 而男方又繼續同自己父母住咩！！！
我想話俾你聽, 結婚的真正意義是組織一個新家庭。

孝須與否, 係在乎個女結咗婚之後, 仲會唔會照顧家人。例如: 每個月仍然會給幾仟元給父母作為生活費、每星期總會去酒樓霸位跟父母嘆茶、每天總會給父母電話作慰問、每星期會抽2-3晚跟父母吃飯,、過時過節總會回娘家打點一切、平時每星期會抽時間幫父母執屋、做清潔等.........

如果個女可以做到以上各項, 你試下問下其他人, 究竟這個女係孝順還是係不孝。相信好多人的答案會跟我一樣。

2009-04-23 18:14:25 補充：
如果婚後唔同父母住的女性就稱為"衰女", 係咁我好想知道未結婚就走去同男友同居, 果D女性又稱為咩？

千萬不要把別人的想法套在自己仔女身上, 因為咁樣會好辛苦, 令到家人都唔開心！

2009-04-23 18:14:52 補充：
容我舉個例子吧！
陳太某天跟黃太說: 我個女最近買咗層樓俾我, 價值300萬元, 我個女真的很孝順啊！
於是黃太回家後就跟月薪只有1萬元的女兒說：阿女, 我要妳買層300萬的屋給我。
黃太的女兒說：媽媽, 我無這個能力, 如果要我買層價值100元的樓給妳, 我現在就可答應你, 但價值300萬的, 我實在負擔不來。
黃太續說：妳拒絕我的要求, 你真的很不孝, 陳太個女不知有多孝順, 她最近買了層樓給陳太......................................

我想問, 黃太的女兒只是說出事實, 她又無話唔買, 只不過買唔起貴樓, 咁樣在你眼中又算唔算不孝呢？

我覺得這對父母的養兒防老的心態似乎太根深柢固,與現代有點脫節,也不太合符現實,所以至會令自己感到激氣和失望。
我十歲的兒子常常說,他長大了,結了婚不會跟我往,因為結了婚他就有自己的家庭,應該獨立,但他一定會時常回來和我食飯及來見我,又或者他會買坐村屋,他與妻兒住上面兩層我住下面一層,大家住得近,可互相照顧,但各自有自己的家。
我並沒有因他這麼少就想到他日會離開我而不高興或担心,相反,因為我知道他心裡有我而開心,將來就算他搬開住,我也相信他不會忘記我,其實已經很足夠。
有時候父母怕子女不聽話,將來不照顧自己,所以自細已經俾子女好多壓力,要他們記得,要求他們跟隨自己的意思去做,但是壓力越大,反抗力也越大,小時候沒辦法唯有依父母的意思去做,到了長大後,有機會自主,恨不得立刻可以自由自在,那還會想跟父母一起住。
教導子女其實不應存在太多不必要的期望,子女不與自己同住不一定表示他們不考,有些子女與父母同住,但是家如酒店,每日只在家食和瞓,與父母鮮有溝通,這還比不上不同住,但見面時開開心心的來得可取。
如果老人家可以放低執著,俾子女有自主空間,相信他們更不介意花多點時間與父母相處,那反而可有更多見面機會,反之,子女每次與父母見面都是俾父母煩擾,相信就沒有心情去了解父母需要了。

不覺得這樣無問題喎 ! 始終女仔結婚後一就和老爺奶奶住 . 一就自己2 個出去住 , 好小返娘家住的 , 只是這家人一向都依靠這個女 , 所以突然要離開好像不想 , 其實就算一起住不代表他們有事妳救到他們 , 那個女都要返工啦 ! 時間慢慢讓他們適應 , 不好太過就 , 我有d朋友都是只有女 , 她們全部都已經結婚 , 沒有一個和父母住他們父母都不介意 , 或者要讓他們感覺無被放棄 , 有時間和他們行街 , 還有鼓勵他們認識多d朋友 , 這樣不會太尊注那個女 , 只是他們社教圈子太窄關係

點解唔同父母住就係不孝?
我都係人哋個女, 仲要係獨女, 但我都無同他們住, 因為結咗婚就要照顧自己的家, 如果有小朋友就更加添啦~~
講吓我個case俾你知, 我今年42, 結咗婚20年, 有1仔1女, 我同父母都住係同區, 結婚後, 最初就一齊住, 但當有了個仔就搬出去, 但我每個星期五都一定返去食飯, 如放假有時都會一齊食飯去街, 咁樣d街坊都已經話我好好....
而舊年媽咪因中風突然去世, 我們全沒有心理準備, 爸爸就非常傷心, 因而病倒, 而家我唯有每晚都返去同佢食飯, 請咗個工人幫手睇住, 仔女就輪流去陪佢瞓, 我叫佢搬來同我住, 但爸爸唔願意, 仲成日叫我唔好返去.
我咁樣做, 所有人都話我好孝順, 做得好好~~但我咁只不過係做我可以做到的事.

所以根本唔需要理他人點講, 孝順唔係做俾人睇, 只要你同父母有共識, 佢哋會知道你所做一切.

做人豈能盡如人意, 只要無愧於心就得~~~~

我認為這對父母太倚賴這個女.她們有3個女但就只認為這個女不孝.會否對她唔公平.做女兒照顧父母是應該,但她自己都有自己的家庭要照顧.我認為她們女兒選住在父母附近都係想方便照顧自己父母.她們應該睇開d.