有冇人係「藏愛」到影過婚紗相吖??

1) 台灣那邊服務如何?
台灣服務就不過不失還算可以,但你預左有好多雜費要俾~


2) 化妝師同攝影師得唔得?
睇彩數,睇你撞正個化妝師同攝影師好唔好,呢個話唔埋~


3) 有冇殺價嘅空間?
殺價空間應該冇乜,我係wedding呢行咁多年,其實知道好多行家會睇你張單既價錢,而俾乜野服務你~如果開單之前殺得太離譜,埋單一定有好多雜費要跟手尾,到時銀碼重反而多左~其實最好俾一個自己又接受到,人地亦有錢賺既價錢,大家開心~


4) 有冇其他優惠可以攞到?
通常如果價錢唔減既,相簿可以靚d,油畫可以大d,不過其實最好就梗係要返多d相啦~因為其實相簿同油畫本身都唔係貴,你大可以返黎香港搵公司做都得~


5) 幾多月去booking好?
其實冇分幾多月去book,係分幾多月去影~如果一定要影台灣既,就唔好揀夏天,因為一定雨水多~


6) 有冇其他係香港有門市嘅好嘅台灣攝影公司介紹??
呢個唔方便係度賣廣告~


7) 有咩地方要注意??

第一,當日係咪全日包車,,包助手,包化妝師(有d化妝師跟出要加錢),有幾多個妝,頭色係咪任揀
第二,d衫款多唔多,係咪舊款?
第三,攝影師用咩機?而家最好既係去到2000萬像素以上,你要留意會唔會去到要你upgate相機
第四,花球,攝影道具洗唔洗收錢
第五,化妝既保養液/護膚液,佢可能會問你搽唔搽,大約九十幾蚊港幣一支,但常d人覺得九十幾蚊冇所謂,一生人一次影結婚相,但係佢地係會搽你8-9支,到時條數就慢慢計~
第六,包車既,係咪會包埋停車場費、油費,呢d費用
第七,眼睫毛包唔包,幾錢一對?



落單時最緊要留意d細微位,咩都要係張單度清清楚楚,記得要對單,唔係到時有排煩,有咩唔明隨時留言俾我,甚至真係落訂之前都可以打俾我,讀張單俾我聽,睇下佢地有冇出古惑~不過只要自己細心d,小心d就冇問題啦~記住一句說話,你係客,佢急你唔急!!
希望幫到你啦~

訂花球可以去呢度, 服務細心, 價錢都好老實, 而家仲有8折優惠 www.unfading-flower.com (contact email: [email protected])