本地鐘點姨姨湊BB同外傭湊BB有咩優點同缺點？

湊BB當然係本地鐘點姨姨比較好啦!尢其坐月果個月,BB會特別難湊,而你生完原氣大傷,成日都想瞓,仲要教工人湊BB(因為菲律賓同印尼人湊BB既方式同我地好唔同),你會好辛苦,但係鐘點姨姨本身就係香港培訓,就算本身未做過媽媽,湊BB既方式都唔會同自己既相差太多!而且好似我BB甘,2個月,一時又漲風,一時又感冒,一時又厭奶,姨姨好多時都會用傳統既方式另BB舒服d(例如:保嬰丹,中藥去風貼.....)當然要問過醫生先啦!不過真係事半功倍嫁!再者文化唔同,菲律賓人我唔知,不過印尼人生完食半生熟雞蛋保身,但係香港人唔會,因為覺得會發炎,所以本地鐘點姨姨會比較清楚有咩你食得,有咩幫你保身!!!!
另外唔知你信唔信,不過老人家話有左唔可以裝修,甘又點加建間房比工人住呢?雖然我自己都唔信,不過老爺奶奶一定會介意吧!
而且以經濟方面來說,你又要裝修,又要機票,買家俱,仲要比工人食,甘其實計落同請本地人無咩分別喎!屋企又唔洗多個人,不過如果請本地姨姨,晚上你地兩夫婦就辛苦d要自己起身喂奶lo!但係向好果邊想,起碼自己有d時間培BB,親子關係會好d!

請本地人最好, 大家文化相同, 溝通容易, 又唔使買機票俾佢,

又唔使俾代理費用, 雖然 ~ 係貴過外傭, 但外傭有其他雜費,

例如...屋企住多個人, 水~ 電~ 煤氣都多咗! 就算雜物又多咗!

請到好既外傭當然好, 萬一請到個變態, 都幾煩 ~ 經常有外傭

偷嘢, 又有外傭虛兒, 仲有個用經血煮餸 ~ 嘩, 聽到都好驚 ~

仲有樣, 萬一外傭在外搞到有BB, 僱主不能炒佢, 還要給她病

假及產假, 分分鐘佢有唔舒服, 你照顧返佢轉頭 ~

但請本地人, 湊BB兼任家務, 若又要煮食, 唔係個個肯做? 因為

會好辛苦!!!!