食雞蛋增磅和健身(20分)

<.我184cm 得67kg>

計算 bmi 的話 = 67 / (1.84 x 1.84) = 20 左右，算適中的，不過我亦明白你唔係要 <適中>，而係要大隻，對不？


<1.我想以食雞蛋來增磅,應該點食(生/熟)只用水煮?>

最好煮熟。

一來熟蛋比生蛋容易吸收，好多人都會誤會，調返轉以為生但易吸收，其實是誤傳。

二來熟蛋比較衛生，相反生蛋有機會有沙門士菌。


<係唔係食一般雜貨鋪買開果d就得?>

係，普遍雞蛋就可以。


<食唔食埋蛋黃>

只食蛋白，避免食蛋黃。

蛋黃含非常高的膽固醇，不要食太多。成年人每週食 2 隻蛋黃就好夠了。


<一日食幾多隻左右>

好難一概而論。

要食幾多，要睇你整體營養吸收。而增肌為目標而運動量夠大的話，一般的計算法是 <每磅體重每天要吸收 1g 蛋白質>。

假如你體重 150lb，咁你就每日食 150g 蛋白質吧。

咁究竟即係幾多隻蛋？又係個句：好難講，因為要睇你整體的餐單嘛!

如果你正餐食好多肉的話，有機會已經達標的，就不需刻意食雞蛋了；相反，每隻雞蛋的蛋白質含量並非一般人想像咁高，只要幾個 gram，如果你正餐無肉的話，就算你狂食蛋都係唔夠架啦。


<最好幾時食?>

一般都係做完 gym 立即食。


<仲有熱唔熱氣.咁食會有咩副作用.e.g.好似係爆倉等等>

食得太多雞蛋有可能會引致消化不量的，所以建議攤開幾次來食，例如每日食 10 隻的話，不要一次過吞晒，要分開幾餐，每餐幾隻。

而且飲食中蛋白質含量多的話，的確會增加爆瘡機會的，所以要食多 d 水果飲多 d 水平衡返。

另外，如果你食蛋白質過量的話，身體會將過多的蛋白質轉化和排出體外，於是增加肝臟和腎臟的負擔。當然，如果你九運動量，和按照上面 <每磅體重每天要吸收 1g 蛋白質> 的計算，就不會有問題了。


<因為打開籃球 下身算係夠粗 但上身就好似排骨咁,點練先可以令上身同下身一樣大隻>

既然你都話自己打開籃球下身粗，做 gym 時可以集中先練上身。但詳細的練法，你都要問教練或資深的師兄，我唔會響呢度教你。

如果你無教練，最好去康文處核下的 gym 啦，又平又有免費駐場教練，係初學者的不二之選。

唔好諗 california 一類了，d 教練超貴 (每小時幾百蚊) 而且質素參差，大部份都係渾水摸魚唔係真心教你的。

順便同你分享一下我的的心得，因為我都係天生瘦仔，靠健身和營養增肌的：

１。做運動。上面大概都講過了，不贅。

２。充足營養。這點是很明顯吧，但如何才能夠針對性提升營養吸收呢？有幾個要訣的：

－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；

－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；

－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份。運動後一小時更是補充營養的黃金時間，要好好掌握；

－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。

３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！以健身為例，一般要增肌的話，每天要睡眠８小時，而專業的健身人士睡眠時間甚至達９至１０小時的！

４。放鬆自己。唔少瘦人都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係點食點操都谷唔漲肌肉的。

５。恆心毅力。呢樣野真係無得教，卻偏偏最重要！練大隻都絕不容易的，亦無得快，無任何捷徑，只有持之以恆，才有好成績！

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm





2009-04-23 20:51:12 補充：
<就係唔知食幾多隻先叫合格>

都講左啦：要睇你整體蛋白質吸受嘛! 如正餐多肉，就唔需要食；相反如果你正餐唔夠肉，就算食好多到唔夠!

雞蛋只可以視為輔助的蛋白質來源，正餐才是吸收營養和蛋白質的最解途徑!

我唸你係遺傳多,有d人食都唔肥,有d人飲水都肥,健康就算.