請問印傭，菲傭，越南女傭，還是尼泊爾女傭比較好？

依家都好少人請越南等工人，都係菲、印多！以前朋友請過尼泊爾，ok但蠢ＤＤ！
我現請印傭，感覺上純品Ｄ，又無大型工会撑，係聽話Ｄ；不過我覺得主要係工人性格同埋僱主點去對待，乜國家都無乜關係！
依家呢個工人做咗兩個約，之前係比僱主炒嘅，亦係我第一次請工人，我好滿意，一來佢算聰明，二來由佢day one開始我已經不斷同佢傾偈，比佢知道佢哋咁辛苦離鄉別井嚟揾錢養家，唔可以做錯嘢，否則炒咗就乜都無，偷嘢就一定報警....講晒所有利弊，佢自己識諗，就会乖！當然亦要氹吓佢開心，間中買Ｄ小礼物，關心吓Ｄ屋企人，有溝通自然融洽！有互信好重要，呢個工人連佢男友生飛滋點医都問我！
你對佢好佢都唔会對你太差，佢就約滿話要結婚生仔，仲叫我唔好請舊人，話好惡，叫我請新嘅会乖Ｄ！生完先返嚟幫我，人非草木，我相信只要互相尊重，僱佣双方都可融洽。