倉鼠皮膚病問題.....

唔同意樓上網友slli939既講法,希望網友唔好介意及可以留意一下:千萬唔好俾爽身粉俾鼠鼠用,爽身粉係好易令鼠鼠過敏,嚴重過敏係會致命,十分危險;而人用既防敏感既用品係為人而設,唔代表鼠都唔會過敏,人同鼠既野最好唔好胡亂共用

A.首先要真係確定鼠鼠真係只係有皮膚病,先可以同鼠鼠用皮膚病既藥,如果甩毛甩到見肉or抓損自己,冇其他病徵,咁就可能係皮膚病了,但都要留意下有D情況都會甩毛,如果係以下既情況就要有唔同既處理:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒or較硬,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

B.搽藥係會痛既,但都要搽,好難搽既話可以利誘鼠鼠,俾D野食佢食住咁搽,但鼠鼠多數試多幾次就知咩事冇咁易定落唻,真係唔掂最好搵多個人幫手

C.要乎你買既藥先知幾耐噴一次,市面常見既Gimmick外用皮膚藥水及Johnson's小動物殺菌茶樹皮膚軟膏,都係早晚一次

D.每天用藥性沖涼粉沖一次涼,再搽藥

E.唔可以用水幫鼠鼠沖涼,咁易令鼠鼠感冒,皮膚病好少會致命,但感冒就係嚴重疾病;好多鼠鼠都唔識用沖涼粉沖涼,你可以幫佢沖
同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以,但唔重覆用會較好)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既
2)買沖涼粉都要記得唔好買有香味既,有味會有機會令鼠鼠過敏,敏感嚴重係會致命
3)唔可以日日沖,一星期沖一次,天熱最多兩次,成日沖涼會令鼠鼠抵抗力下降
4)盡量避免沖涼粉整到鼠鼠既眼耳口鼻
5)唔好將沖涼粉放入籠,唔係鼠鼠幾時沖左都唔知

F.內用既慢好多,但如果係一D接近眼耳口鼻既地方,就唔用得外用藥

G.一般皮膚病較少會致命,除非鼠鼠唔係甩毛係甩皮,又或太嚴重令鼠鼠痕到咬死自己;皮膚腫瘤都會致命

H.有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,草同木糠會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)唔好用有色or有味既木糠同沖涼粉,因為呢d都好易令鼠鼠皮膚敏感,敏感嚴重起唻係會致命既
7)當然可以直接帶佢睇醫生啦.(如直接睇醫生,以上用藥既做法請略去)睇醫生既話可以考慮一下:
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2009-04-23 00:12:31 補充：
皮膚病既外用藥只需用在甩毛既地方上就可以

你講得無錯,平日已經需要留意籠既衛生,咁對人鼠都好呢

通常我幫我隻倉鼠沖涼是每星期一次，不過如果有皮膚病就兩星期一次好了，因為它容易敏感，而且你最好用一些防敏ＧＥ　爽身粉，咁對佢可能會舒服Ｄ，千萬唔好比佢掂水，會影响病情，我建議你用棉棒吸下水幫佢掃下毛好了，　因為佢好易痛如果有皮膚病。
皮膚病不會致命，但要小心護理。