請問由天水圍西鐵站如何去屯門以下中學?

響天水圍西鐵站，可先搭乘往屯門的西鐵線列車
1) 宣道中學
屯門總站落車，然後行到輕鐵站(需橫過輕鐵路軌)
搭乘往兆康的505線，係石排落車。
落車後向前行，就會見到天橋，上天橋向右行，你會見到你間學校。你會先見到崇真書院，再行多一陣，隔離就係宣道中學。

2) 迦密唐賓南紀念中學
屯門總站落車，然後行到輕鐵站搭乘往屯門碼頭的507線列車，兆禧站落車，之後反方向行，你會見到有條天橋，過左條天橋就見到間學校。

3) 譚李麗芬紀念中學
兆康站落車，然後轉乘往友愛的751線列車
或往屯門碼頭的610線列車，澤豐站下車
落車之後先經過輕鐵站後面的隧道(上面係西鐵路軌)，就會見到有條紅色的行人橋 ，過左去就見到間學校

4) 嗇色園主辦可藝中學
屯門總站落車，然後行到輕鐵站搭乘任何輕鐵列車
(不需過輕鐵路軌)
市中心站下車，下車後向前行
你會見到有條斜路，之後橫過眼前所有輕鐵路軌
一直向客務中心方向行。
見到客務中心之後，一直向前行，就會見到間學校。

5) 香海正覺蓮社佛教梁植偉中學
屯門總站落車，然後行到輕鐵站搭乘往屯門碼頭的507線列車，兆禧站落車，下車後向後行，你會見到有條天橋，過左條天橋，(同去迦密唐賓南中學一樣)，之後你會見到有個細球場，一路行入去，會見到梁周順琴小學，跟住有條路仔行入去，見到董玉梯中學，隔離就係梁植偉中學。

6) 仁愛堂陳黃淑芳紀念中學
同去宣道中學的方法大同小異，不過上左天橋要轉左

如果嫌轉西鐵太麻煩
宣道中學：先搭乘往友愛的751線列車
洪水橋站轉乘往屯門碼頭的610/615線列車
或到兆康站搭乘505(5號月台)/615P(6號月台)
石排站落車
可到宣道中學的輕鐵路線：505、610、615系(615+615P)
唐賓南紀念中學：先搭乘往友愛的751線列車
千祈唔好去洪水橋轉車，因為果度冇車直去
最近都係去兆康站轉乘輕鐵614P去
要注意的是614P班次較為疏落，如果覺得614P班次難預算
建議搭到蔡意橋站轉乘507去(都係去屯門碼頭)，兆禧站落車
落車之後好似響上面的建議行去一樣
可到迦密唐賓南紀念中學的輕鐵路線只有2條：507、614P
譚李麗芬：先搭乘往友愛的751線列車，澤豐站落車
落車之後先經過輕鐵站後面的隧道(上面係西鐵路軌)，就會見到有條紅色的行人橋 ，過左去就見到間學校
可藝中學：先搭乘往友愛的751線列車，市中心站落車
落車之後好似響上面的建議行去一樣
梁植偉中學：先搭乘往友愛的751線列車
千祈唔好去洪水橋轉車，因為果度冇車直去
最近都係去兆康站轉乘輕鐵614P去
要注意的是614P班次較為疏落，如果覺得614P班次難預算
建議搭到蔡意橋站轉乘507去(都係去屯門碼頭)，兆禧站落車
落車之後好似響上面的建議行去一樣
可到迦密唐賓南紀念中學的輕鐵路線只有2條：507、614P

陳黃淑芳：同去宣道中學的方法大同小異，不過上左天橋要轉左

2009-04-22 11:28:05 補充：
如果要搭輕鐵的話
去迦密唐賓南紀念中學、梁植偉中學
我都係傾向建議去到蔡意橋轉507去
因為507班次比614P密
614P班次較疏，走左班，要乾等10分鐘以上

1) 宣道中學
建議：係天水圍站搭751，去兆康轉615 ，係石排落車。落車後向元朗方向行，你會見到到有條天橋，上天橋向右行，你會見到你間學校。你會先見到崇真書院，行多2步，隔離就係宣道中學。


2) 迦密唐賓南紀念中學
建議：係天水圍站搭751，係洪水橋站轉614，係 兆禧站下車。下車後反方向行，你會見到有條天橋，過左條天橋就見到間學校。


3) 中華基督教會譚李麗芬紀念中學
建議：係天水圍站搭751，係澤豐站下車，下車之後過對面月台的方向，就會見到有條行人橋 ，過左去就見到間學校


4) 嗇色園主辦可藝中學
建議：係天水圍站搭751，係市中心站下車，下車後往車頭方向行，你會見到有條斜路，之後過馬路，一直向客務中心方向行。見到客務中心之後，一直向前行，就會見到間學校。


5) 香海正覺蓮社佛教梁植偉中學
建議：係天水圍站搭751，係洪水橋站轉614，係 兆禧站下車。下車後反方向行，你會見到有條天橋，過左條天橋，(同去迦密唐賓南中學一樣)，之後你會見到有個細球場，一路行入去，會見到梁周順琴小學，跟住有條路仔行入去，見到董玉梯中學，隔離就係梁植偉中學。