刑事等候判決期間可否投訴警員

首先你要明白, 警察在法庭上俾嘅証供係唔係可信, 係由法官或陪審團去決定. 如果你有証據証明警員講大話, 你要在法庭提出. 事後先提出係無用嘅.
要投訴一名現役警員, 你係要向 "警察投訴科(CAPO)" 提出. 警監會 (IPCC, 全名 "投訴警方獨立監察委員會") 嘅職責係監察警方處理市民投訴的方法, 而唔係直接處理市民嘅投訴.
你係有權在任何時間投訴現役警員. 但當有一單案正在法庭審理中, 而當中涉案警員被涉案人仕投訴, CAPO係會將個投訴凍結, 直到單案所有法律程序 (包括上訴) 都完结後, 先會再行處理, 以免影響司法程序 / 公正.
向CAPO投訴現役警員, 主要係針對警員無禮貌 / 行為不檢 / 妄用武力等. CAPO係唔會接受你投訴現役警員係庭上講大話, 因為正如以上所講, 警察在法庭上俾嘅証供係唔係可信, 係由法官或陪審團去決定. CAPO無權裁定警員係唔係講大話.
法官係唔會因為你投訴涉案警員而受任何影響嘅, 更加唔會因此而廷期判決.
現階段你投訴都無用. 如果你真係有証據証明警員講大話而原審法官裁判官犯錯, 你可上訴.

改左個名叫監警會啦... ^_^

可嘗試聯絡你個區的區議員尋求幫助,或可到法律援助署詢問,法律下人人平等!