健身唔識高問題

嘩，你都聽埋聽埋好多錯誤的資訊喎......

你唔好介意我好似好吋，但係睇完你條問題，我真係想勸你：唔好咁輕易信人啦，唔好人地亂講乜你都相信，好蝕底架。

我亦好肯定，同你講呢 d "知識" 的人根本唔識運動的，可能只係 d 唔做運動的同學仔。對不？


<成日聽人講做推舉個d會唔識高,到底係唔係真?>

首先，身高主要是天生的，只要你身體健康，又營養和適當的運動，就會發育和長高。

至於臥推舉 (或其他運動給重量訓練) 會否影響增高呢？對普通人來講，係否定的。

嚴格來講，如果你響發育期做得太劇烈的運動，係會妨害增高，不過要去到專業運動員的水平，一星期 7 天每天 8 小時 (重勁過返工) 至會有咁樣的問題，例如奧運選手。

普通人，做下運動舉下鐵，又唔係要參加澳洲會，根本唔會搞成咁，別杞人憂天。

而且你都快 18 歲，已經係增高期的尾聲了，唔會再大幅增高了，極其量高多幾 cm，就算你點做運動，對身高的影響都不大了。


<仲有我想跑步減肥,但係聽講過要增高就唔可以減肥,因為話增高一定會重唔會輕>

你要搞清楚，用乜野方法減肥先？

如果發育期就用節食，減肥餐等等來減肥，的確會影響增高和發育的。

因為節食同減肥餐的原理係特登整都你唔夠營養，當然就會瘦啦，但係亦同時會妨礙增高了。

相反，你靠做運動跑步來減肥的話，對增高無任何壞影響的。其原理只不過係透過帶氧運動來燃燒脂肪，並不影響你吸收營養，咁唔單只唔會妨礙你發育和增高，反而係有幫助添，因為上面講過：健康同適量運動有助發育嘛!


<想問下點解d人話做掌上壓會唔識高>

無關係的，又係 d 唔識的人亂講。

掌上壓都只不過係好基礎的運動，其運動量比臥推舉還輕得多；臥推舉都唔會話影響增高啦，何況只不過係掌上壓？


<手同腳唔係分開生長嫁咩??? 定係手同腳係同時生長缺一不可??? >

做運動跟手腳的長短也無關係的，唔係話你做某 d 運動會令手 / 腳 長 d / 短 d。

因為手腳的長度跟身高一樣，主要是天生的。

而且天生所有人 (甚至動物) 的手腳都係一齊生長架啦! 有有無見過有人好<手長但腳短>，或相反地<手短但腳長>？無的，因為一係就天生手腳都長身又高，一係就天生手短腳短又唔高，統統都按照返比例的。





2009-04-22 11:45:02 補充：
<如果我一三五做健身二四六跑步咁會唔會練到大隻?>

咁即係一星期做成 6 日運動，係偏多了，反而不利增肌的。

我建議，一係先修身後增肌：即係先集中做帶氧運動，減左磅至集中做重量訓練來增肌。

一係就剛好相反：即係先集中做重量訓練來增肌，增都咁上下至開始帶氧運動減磅。

兩種方法都有人做，而且都可以成功，只係個人選擇。

2009-04-22 11:47:33 補充：
世上無兩全其美的。

先修身後增肌，好處係快點無腩，但短期會縮水。

先增肌後修身，好處係大得快 d，但<增肌了但未修身> 時會有一個尷尬期，個身材會好擁腫難睇的。

你自己選擇啦。

高度..天生是主因..一般來說你的身高..大概會比你公母高10cm吧..
若果你父母 都是在16x cm..那麼 你仍然有成長空間..不過不會太多..
看到你鍛鍊的都沒有練腳的訓練...
高度的話..以跳為主吧..gym的話..好難練到腳...同d朋友仔去打下籃球可能會好d..飲品可能以奶類為主..
21歲前都仲有得高