會計師出路

1. 如果你係想做會計文員, 你就要考LCCI Lv.2或lv.3. 因為你將來AL想修會計, 而且LCCI無要求你可以直接考LCCI Lv.3, 所以可直接考Lv.3.
如果話去會計師樓做會計工作, 有些細會計師樓要中五/中七學歷+LCCI證書, 有些要求最少文憑/高級文憑程度. Big4就一定要大學畢業.
2. 讀本地大學會計系會有試卷豁免. 最主要會免考ACCA14份卷裡其中指定9份卷, 以及畢業後可以直接入讀HKICPA的QP考試. 另外還有其他會計試部分豁免, 詳情可到大學網站瀏覽.
3. 睇你學歷及所申請的工種, 無話一定要先做會計文員. 例如大學畢業申請Big4可以做初級核數員. 細會計師樓就做audit junior. 會計有好多唔同範疇, 唔會只係處理交易、入數、入帳、整Financial statement咁簡單, 會計仲要有人audit公司盤數係咪真. 做audit唔一定要之前做過會計文員先可以做, 因為兩者approach唔一樣.
如果想做會計師, 就一定要考完QP, 再加3-5年工作經驗. 考QP基本要求要大學會計系畢業、完成Conversion course或完成PBE考試. 如果你考QP要求都未符合, 你就要讀書或考試符合要求.
4. 如果未來3年考牌做CPA可以唔理LCCI. 但如果做會計文員就一定要考, 核數文員就視乎要求, 有D細公司要考.
AAT方面, 如果你只係免考AAT 8份卷, 你要再考埋PBE才可以讀QP.
5. 視乎工種、學歷及經驗. 無經驗及中五程度會計文員新入職通常5.5K-7K一個月, 中七程度亦唔見得高好多人工. 會計文員無論幾多經驗最多都係萬幾一個月.
細會計師樓請0經驗的人做核數通常係$6-9k一個月, 經驗及學歷愈高, 人工當然會高, 人工過萬都有. 新人無經驗去大會計師樓做核數就$11,700一個月, 呢個數未扣除任何無薪或大折支薪假期.
會計師就要視乎你工作經驗及學歷. 你考完牌之後當然可以留在會計師樓做senior, 甚至partner都得, 不過唔係人人都得. Big4工作經驗比其他會計師樓經驗值錢好多, 我見有間agent用$33-40k請有big4經驗的人. 亦有人話就算你考到會計牌, 人工未必過$20k.
6. 你可以半工讀, 好多人考QP都係半工讀, 考試前或者上堂放Study leave讀書. 一路讀書一路儲認可工作經驗.
7. 會計文員想做有牌會計師(CPA)一定要考試, 唔係話你做得耐就一定係CPA, 因為CPA係代表公會認可會計師, 要考相關考試先得. QP可以半工讀, 快則1年考完. PBE及AAT最快一年.

ACCA=英國特許會計師公會
AIA=國際會計師公會
HKAAT=香港財務會計協會
以上三個都是會計有關的機構. ACCA有兩個考試. 一個是CAT考試, 考完兼且合格就係認可會計技術員. 仲有一個就係專業會計試, 考14份卷, CAT全部合格可以豁免首部分專業試試卷.

以前是HKSA及ACCA的考試是聯合的, 很多會計系畢業生都會考, 未有QP前D人就係考ACCA及拎工作經驗做會計師. 但自從QP出現後, HKICPA好多政策都幫QP學生及畢業生. 考晒ACCA又如何? ACCA會員想做HKICPA會員要符合8大條件先得, 而且亦有限制. 不過ACCA都有優點. 1. 計經驗比HKICPA寬鬆. ACCA計兼職經驗, 但HKICPA係只計全職, 而且係同一公司做滿1年先可以簽經驗. 2. 如果你有參加拔尖計劃, 畢業前考晒試有齊經驗, 畢業前可以做到會計師.

AIA有國際兩字, 但唔好以為佢係香港好威, 但係香港的認受性分分鐘比ACCA及HKICPA仲差. 你睇下請會計高級職位的招聘廣告, 多數都係要求ACCA或者HKICPA會員, AIA唔見得好多, 甚至無.

HKAAT我覺得係高不成低不就的感覺. 你考晒又唔以叫公會認可會計師. 要做公會認可會計師, 就要完成QP課程及考試及有最少三年相關認可工作經驗. 考晒HKAAT所有考試(AAT及PBE)就可以讀QP. AAT考晒只係叫會計員, 同高級文憑程度差唔多, 人工出路方面唔會太多.

點都好, 最好都係大學畢業, 之後根據需要考埋未考的卷.