點解 成龍 一定不買 中國出產 的 電視機 ?

係人都知中國出產任何物品都唔可靠架喇~! 更可况是電視機, 分分鐘睇睇吓電視果陣, 特然之間有煙從電視熒幕後面散出來, 不到一分鐘就爆炸, 嘭~! 嘭~! 嘭~! 三聲爆炸聲之後, 跟住就開始燃燒, 迅息之間火焰就會燃著家中的窗帘, 梳化, 餐枱椅枱布, 五分鐘內就將整間屋燒光, 如果屋主好運能夠逃離火場, 執番條命仔唔死得, 之後就可能面對隔籬鄰舍, 樓上樓下嘅屋主向這個唔死得嘅屋主索償, 賠償俾佢地間屋嘅賠償費, 係因為佢電視機爆炸火燭, 而殃及佢地被消防員救火射濕哂佢地D傢俬雜物嘅裝修費, 你話貪平買個廉價中國電視機, 後果係咪好嚴重呢~!
如果果個火燭屋主有買意外火險, 第三者意外火險嘅話, 咁就所有賠償費都由保險公司賠, 佢只需賠全部賠償費的一成嘅錢, 九成賠償費由保險公司負責賠, 不過如果佢無買到第三者意外火險嘅話, 所有賠償費就要由佢自己一個人負責哂~! 若然以成龍咁嘅身份地位, 住係隔籬鄰舍一定係非富則貴, 如果佢買個中國制造嘅電視機, 佢除咗會比D隔籬鄰舍有錢人家睇小佢之外, 連佢屋苑班管理員望見送貨員攞住裝個電視機嘅紙盒係中國制造嘅品牌嘅話, 即時連班管理員都睇佢唔起呀~! 仲因個電視機火燭燒埋隔籬鄰舍嘅話, 班非富則貴嘅有錢人家, 唔要佢賠償就世係假咯~! 出律師信追到佢瘦都似, 肯定賠一成都要賠過千萬, 因為D有錢人家間屋有名貴鑽石錶, 珠寶首飾, 仲可能有順治朝代、康朝代、雍正朝代、乾隆朝代、咸豐朝代、同治朝代......等等嘅古董花瓶, 皇宮中名家書法字畫, 價值連城, 簡直是無價寳, 可能賣埋間屋都唔夠賠俾人, 買品質無保證嘅中國制造電視機, 分分鐘會有咁嘅場面出現, 成龍講嘅心底話, 相信人人都清楚那是真的, 中國制造電視機一定不安全, 分分鐘會火燭, 千萬不要買.

成龍怕死囉, 佢係cheap精黎架嘛
cheap精緊係買cheap野,
如果唔係佢點知中國咁多cheap貨呀?

因為中國的電視機會很易壞, 不到一、兩年就會壞。但是中國的電視機比外國品牌便宜, 所以仍受到歡迎。現在我看到 'Made in China' 都會對此產品有所保留。

2009-04-21 21:09:19 補充：
Made in China的電視機例子:
買了某牌子在中國做的產品,不用花三個月的功夫就壞了。
弄得我銀包又薄了！
要小心購買電器!

嘩! 樓上又唔好講到啲大陸電視機咁鬼牙煙, 好似買左個炸彈番屋企咁, 大陸野亦有好及唔好嘅, 睇你係咪貪平囉! 正所謂光棍佬教仔 ─ 便宜莫貪, 一些老牌子, 如康佳、創維等是有一定質素的, 至於天水圍爆電視機案, 可以用$1000買到一台25寸電視機的品質如何? 本小子便不敢領教了。 至於成龍話佢買電視機一定要買日本的? 阿媽梗係女人喇! 佢咁有米, 當然可以咁講喇! 唔通佢屋企幾千尺大廳, 放部國產電視機係度咩? 唔襯夾唔make sense嘅, 至大及至貴嗰隻先配得起佢 ─ 大哥嗎!

2009-04-22 10:06:09 補充：
樓下又唔好講到made in China的咁鬼差, 本小子就曾買了部「先科」DVD機, 用了七、八年仲行走如故, 但買了部「HP」打印機(可能是made in China都唔定, 但你都知肯定唔係大陸牌子)回來拆箱後就是壞的, 幾舊水貨仔要拿到無雷公咁遠去修理, 仲話要跑兩趟添, 結果就丟低無眼睇。所以「國產未必是衰野, 進口亦未必是好野」咁話喇!