我哋政府抱住我哋啲錢, 點解唔可以學人哋? WHY?

話好聽啲就叫審慎理財, 難聽嘅就叫抱殘守缺, 攬住啲錢怕第日無得使? 寧願睇住啲市民為兩餐奔馳, 生活質素日趨下降, 反過來政府做的只是為未來退休後才可領到的強積金注資, 是在欲拯救投資市場重要吖? 還是在幫助升斗市民之燃眉之急重要? 對即時民生及刺激消費方面有何作用? 去年經濟未見十分差時, 尚有$1800大元電費補貼, 今年經濟迅速下滑反而縮番條槓, 嗰班高官究竟知唔知民間疾苦? 咁多市民失業及破產, 咁多企業在驚濤駭浪中, 政府有何解救良方? 只懂得叫市民勒緊褲頭等海嘯退卻, 而自已就擁鉅額盈餘而坐視不理, 怕使晒無錢出糧俾自己乎? 有政府如此, 我們小市民奈之如何? 認命吧!

政府喜歡抱抱囉~

抱著西九唔放
抱著漁港唔放
抱著醫療唔放

最緊要既係都係
抱著d錢唔放呀~

如果唔係佢地就唔可以成日同人講
"我地係有充足既資源去做事, 係為市民好,
不過我地抱著d錢唔放啫"

樓主妳咁都唔明,政府目前仍然是舊制既公務員好似是十六萬人(如冇記錯的話),計算埋新入職既紀律部隊人員,我估計超過二十萬人.呢班友可以說得上人工高,福利好,只要唔犯嚴重過失,基本上是納稅人養佢地直到瓜柴,加上班契第一見外圍經濟環境好D,就不斷喊加薪,政府的財政只有增而不會減,可想而知日後政府的財政壓力幾大?加上連香港經濟最後支柱的金融業都死埋,工業,旅遊,物流全部玩完,政府錢從何來,咁你話呀孖曾唔就住D錢來用都唔得啦.咁佢地兩個左諗右諗,冇理由減佢地自己人工,減公務員人工又驚重覆呀老董下場(其實當年倒董倒松,都是班友係後面攪鬼).咁佢兩咪將個財政慳吝係我們小市民身上.
如果班契第係有社會良心的話,肯自動減薪來與民同舟共濟,咁政府財政壓力都可以減輕下,不過我估呢班友唔會.

2009-04-20 21:05:29 補充：
其實當年7.1倒董大遊行,有好多遊行人士係公務員或其親屬.\
當年老董呀松一話減佢地人工,班友即刻好似發癲,又話打擊士氣,又要告上法庭,話違反基本法.冇D社會責任.

2009-04-20 21:12:09 補充：
煲呔不愧是一名世界仔,他深知公務員既作風,所以一上任就加班友人工,改五天工作.

2009-04-20 21:20:04 補充：
呢班友其實係蠶食咁我們社會資源,佢地收取世界一流工資,但做就是九流.仲學人講士氣,笑死人.

澳門政府咁做,係因為澳門個特首要卸任,佢絕對可以唔理好醜,派左先算.其實俾錢係救唔到經濟,只係救到人氣,人地咁做,梗係要救人氣,你搞到個政府窮d,人地咪覺得下任個特首唔掂,比較之下,就覺得佢好叻.人地靠賭,以前都係澳門人羨慕我地,佢唔派我地先羨慕返轉頭,佢地靠偏門起家,根本重危險過我地.
我地係靠金融自由獨立,政府派錢,都未必幫到個市,咁d人洗左d錢,又等政府派,個經濟發展係唔好嘅.而家唔派錢,係佢唔啱,但我地個特首訪問嗰時都話,經濟唔樂觀.我相信佢會等中央話科水俾我地,如果中央唔俾錢,佢咪等到秋天,話嗰時d經濟會轉好喎.
我地個政府未必好,但唔到我地揀,咪唯有自己爭氣d,放長相眼,睇下邊個好d.