小腿D腳毛比我剃曬,但大腿D腳毛冇剃~~~

其實越剃D毛越粗只不過係謬誤, 因正常體毛的尾端都是畧幼並成尖形, 用剃刀剃去個"切口"就變平咗, 咁再生番出嚟時就會因為咁同埋頭尾都咁粗所以睇上去就好似粗咗, 重有如果毛髮會越剃越密嘅咁唔會咁多人為髮線上移而煩腦啦! 我以前都好多腳毛, 試過唔同方法, 現歸列如下, 供你參考:


1. 曬黑 - 我以前都曬到好黑, 視覺上係冇咁覺, 但要真係黑喎, 曬到"蜜糖色"唔得喎, 而且冇話淨係曬對腳咁奇怪啫, 對皮膚傷害大, 唔建議.


2. 剃 - 覺得效果最差, 因為有時好貴嘅鬚刨剃出嚟都唔係好好(尤其如果你本身體毛較粗黑), 另外如果剃泳衣(bikini line)旁邊及腋下的毛毛好鬼難搞.


3. 脫毛膏 - 我用得較多的一種, 無痛, 方便, 又易用, 亦唔覺對皮膚或毛孔有咩影響.


4. 脫毛臘 - 最初係喺加拿大買到的產品, 見佢好似麥芽糖(味甜, 聲稱無化學添加劑同誤食都唔怕), 後來自己試用麥芽糖發覺效果差不多. 做法係先洗干淨要脫毛嘅地方, 將麥芽糖用微波爐叮十零秒令其軟些(但小心試過唔會太熱才搽), 跟住用牛油刀將麥牙糖順着毛髮生長的方向搽上皮膚, 蓋上一塊預先預備好的棉布片(要冇彈性的, 例如舊恤衫), 用手將布畧按實, 等半分鐘跟着由同毛髮生長方向相反的一邊快手一吓將布掀起便可. 缺點係幾痛吓, 同較難掌握技術, 重有一次未必可以脫哂而可能要整多兩次, 有時毛孔地方會有紅點, 要一排至消散, 但好處係越脫D毛毛越幼, 經一段時間後好多毛毛都冇再重生, 而家我對腳祗"殘餘"二三十條腳毛, 得閒用眉鉗拔去便可.


綜合個人經驗用脫毛膏係最方便同效果唔錯, 如忍得痛又掌握到方法, 脫毛"臘"效果最好. 雖然我試過唔同方法去脫毛, 但其實我唔覺得腳毛多有咩問題, 所以脫唔脫咗D腳毛係睇你自己點諗, 脫毛啫, 唔使諗得太覆雜.

2009-04-21 00:47:25 補充：
唔會平均返架...
只會有長有短...

你可試下茶D CREAM滋潤下，
本人都有好多毛，
剃開真係有條路=.=""會愈來愈粗
如果真係唔可以接受先剃，
可以交流下喎！