請問懲教署工作看信的亞SIR

我唔係懲教署亞SIR, 希望你唔介意我答.
除以上你所講外, 如果信件涉及任何錢財交收 / 安排或私人財產 (有預先申請除外), 任何犯法 / 意圖犯法活動, 任何與同案疑犯 (如有) 有關事項, 任何與幫會 (黑社會) / 賭博有關, 任何與其他在囚人仕有關嘅事情 (例如尋仇, 飛朵, 點相...), 任何與執法人員 (尤其懲教署職員) 有關嘅內容, 信件都會被扣起, 放入包頭 (犯人私人物品), 待出番去先俾番佢.
如果信件係載有法律條文 / 法律文件 / 銀行文件就會由總主任級以上職員决定俾唔俾佢 (由律師帶入嘅文件例外).
如果信件不獲發給而要放入包頭, 係一定會通知犯人嘅, 亦會紀錄在犯人紀錄簿 (penal record) 內. 絕對唔會沒收咗唔話佢知.
你男友收唔到信, 有可能係:
1. 分信時夾咗落第二個犯人d信度
2. 無寫犯人編號, 封信變咗 "無主孤魂" (咁會俾人 "唔覺意" 掉咗, 廢事煩).
3. 真係郵政處寄失咗
講真, 收唔到就無得追嘞. 唯有再寫過啦!
監獄內寄俾犯人既信件, 全部都會被懲教署職員拆開檢查. 在確定封信無違禁物後, 個信封會被職員收起, 唔會俾個犯人. 只係會俾封信佢. 原因係怕有人將毒品收藏在個郵票同信封之間. 如果個犯人想要番個信封, 就要提出合理理由, 例如: 想要番個回郵地址, 向獄方申請攞番. 就算申請成功, 個郵票都會被撕走.
寄信俾犯人注意事項:
(1) 一定要在信封面及每一頁信寫上犯人的編號. 監獄咁多人, 同名同姓嘅人大把. 所以唔寫名都唔緊要, 但唔寫編號嘅信個犯人係收唔到嘅. 而且因為無左個信封, 所以要在每一頁信寫上犯人的編號, 以防撈亂左可以揾得番.
(2) 唔係一定要白色信封 / 信紙. 但信封 / 信紙上千祈唔好貼上任何貼紙 (理由同上). 否則封信會一個個窿, 因為d貼紙會全部被剪去(理由同上).
(3) 信封内除左信紙唔可以附有任何物件, 例如: 錢, 郵票, 回郵信封, 食物, 書簽, 咭片等等. 否則個犯人會被叫去收押室(俗稱: "指模房"), 職員會在佢面前將封信存入佢份私人物件(俗稱: "包頭")內, 到佢出獄先交還佢.


2009-04-24 10:00:20 補充：
yes yes. thanks mr. jpagent!

謝謝你們的意見, 他在內沒有犯事, 我相信可能寄失又或者唔知點解整唔見左,

不過...我後來唸唸下, 我果封信有d字句underline,因為想加強意思, 所以係字下面underline左, 我估他們認為是暗語gwa, (他們稱為摩思密碼), 因為平日入書本時候, 他們會check 裡面有無underline 字, 有就唔比入...我唸我封信可能都係這個原因....

唔該曬你地

補充: 過左膠既相片都唔得. 有佢本人既相片都唔得.
但實際是.....
1) 過左膠既相片
比你睇睇, 睇完入包頭.

2) 有佢本人既相片
有可能過到骨....@@