2000年Dion Exceed撻唔着

電池可以用兩至三年的,但係你幾耐冇用呀?一兩星期唔用車都可以撻到架喎,如果唔係就電池到期/防盜走電,如果你停車場咁咪叫其他車主幫手啦,跟手去電池鋪換左佢啦

想知到舊電係水電定環保電?同用咗幾多時間?
一般電池可以用到二三年(睇你點用同保養).水電要定期睇吓啲電池水水位(一定要過曬啲金屬片),環保電就望吓個窗仔有無變曬黑色(黑曬就係到期打柴).正負電極有無起粉之類.
睇你個情况係電池電流量不足.先跟跟電池,睇吓係接觸不良回唔到電,或者電池水有問題(少咗定酸度不足)定係電池打柴.
可以揾人用過江龍過電撻車,著咗車就開部車到車房或者買車電啲地方,叫個師傅幫你跟吓舊車電.
耐唔耐著吓車,唔一定可以回差.著咗車要行番兩三圈,或者空轉車頭一兩個字先有用.希望對你有幫助.

可能是電池無電，最簡單方法是搵部的士，用條過江龍搭著部車就得，通常的士佬收費八十至一百，著車後行返兩個鐘頭車就得！
呢個方法只適合部車太耐無開（超過三星期），防盜器用盡電池，
如果你一星期有用車一兩次而出現無電情況，多數電池夠期，建議你直接換過個電池！

是電池無電可能性好大機會ｏ是否上次用完車＇無関上電器‧如車廂房燈、音響‧‧‧ｏ又可能電池到期、多數電池大約可便用二年。電池極頭有否鬆或起了氧化物＜白色粉粒現在找車房或朋友用其它電池＜撘着＞後去檢測問題成因而ｏ解決。希望對您有所邦助！