南丫島一天遊行程

去南丫島玩呀！問我啦！睇相先：

圖片參考：http://hk.geocities.com/otto653653/DSC013818.jpg

南丫島有兩個碼頭，一個是索罟灣，另一個是榕樹灣，許多人都知，不過南丫島就有兩條旅遊路線，一條是島南的行山線，由索罟灣出發，經模達灣、榕樹下、石排灣、東澳，上山地塘，再回到索罟灣，這條路線比較小人行，比較原始，有山有水有海灣，風景美麗，不過路線較長，最小行2小時多，上山地塘上落差340多米，比較吃力，而且沿途無咩士多，行這條要準備足夠糧水，而且由索罟灣行到東澳，就要上山，一定要爬到300米才有得下山，無其他路徑回索罟灣，除非到東澳後走回頭路經石排灣、榕樹下、模達灣回程，所以不想走回頭路，就要有上山的準備，如果小童多或者不慣行山者，不太建議行這條路線。
而另一條路線是由索罟灣行過榕樹灣，或由榕樹灣行過索罟灣，中途經過洪聖爺灣，有較多景點玩，上落差百多米，行約個多小時，我見有小孩都行到，合家庭旅行，不過景點就好一般。
索罟灣有的景點，睇相啦：
索罟灣第一街兩旁主要是海鮮菜館，成行成市，都行到一會兒的，要購物就唔止啦！

圖片參考：http://hk.geocities.com/otto653653/DSC023855.jpg


圖片參考：http://hk.geocities.com/otto653653/DSC033827.jpg

地道手信

圖片參考：http://hk.geocities.com/otto653653/DSC043845.jpg

有間精品店

圖片參考：http://hk.geocities.com/otto653653/DSC053838.jpg

唔好唔試茶果呀，好好食架！
有個南丫島漁民文化村，未試過，要安排節目可以考慮，你睇他們的網址吧：http://www.fisherfolks.com.hk/，不過要收費的。

圖片參考：http://hk.geocities.com/otto653653/DSC063832.jpg

唔想俾，附近都有漁排，睇得唔玩得！

圖片參考：http://hk.geocities.com/otto653653/DSC073873.jpg

第一街是空地，空地旁是天后宮。過了天后宮向洪聖爺灣方向行，幾分鐘就到神風洞。

圖片參考：http://hk.geocities.com/otto653653/DSC084283.JPG

神風洞，比較搵笨，山洞一個，說到二戰時日本仔用神風洞藏快艇侵襲盟軍艦艇，有點玄？說有盧文氏蛙，不過一定睇唔到，咁細隻點搵呀！不過逢參加本地旅遊團一定介紹，無咩野睇做下楝企水魚都算啦，反正不收門票。順帶一提，洞口前草地多蚊，帶定蚊怕水無錯！

圖片參考：http://hk.geocities.com/otto653653/DSC094168.jpg

介紹島南的旅行路線，會經過模達灣，模達灣無咩好玩，沙灘細，無廁所，有間餐廳，模達灣的情況你可以睇我寫的另一個知識：http://hk.knowledge.yahoo.com/question/question?qid=7008091001411，所以不介紹了，睇個遠景。

圖片參考：http://hk.geocities.com/otto653653/DSC103919.jpg

模達灣之後，是榕樹下，簡單村屋，睇完走得。

圖片參考：http://hk.geocities.com/otto653653/DSC113970.jpg


圖片參考：http://hk.geocities.com/otto653653/DSC124087.jpg

石排灣海景不錯，有浪有石有沙灘，來避靜就好合適。

圖片參考：http://hk.geocities.com/otto653653/DSC134116.jpg

東澳有間洪聖宮，廟細歷史久，廟內懸排的銅鑄響板是道光四年鑄造的，距今近二百年了。

圖片參考：http://hk.geocities.com/otto653653/DSC144126.jpg

廟內懸排的銅鑄響板，上有「道光四年歲次甲申字樣」，香港開埠是1842年，即道光二十二年，有幾耐歷史自己計啦！

圖片參考：http://hk.geocities.com/otto653653/DSC154136.jpg

由東澳上山地塘，會經過騎樓石，腳軟都要行呀！

圖片參考：http://hk.geocities.com/otto653653/DSC164152.jpg

山地塘山景，行得都幾甘架！

圖片參考：http://hk.geocities.com/otto653653/DSC174155.jpg

山地塘頂有個涼亭，唔夠就唔好行山去啦，上去又要落番來先去索罟灣，搵苦來辛啦！

圖片參考：http://hk.geocities.com/otto653653/DSC184178.jpg

捱到洪聖爺灣，睇吓日落都好。

圖片參考：http://hk.geocities.com/otto653653/DSC194179.jpg

洪聖爺灣有個「香草園」，攪有機農莊，唔收入場費，入去嘆杯茶先啦！

圖片參考：http://hk.geocities.com/otto653653/DSC204196.jpg

香草園的香草，幾有田園風味。

圖片參考：http://hk.geocities.com/otto653653/DSC214203.jpg

手信呀！

圖片參考：http://hk.geocities.com/otto653653/DSC220136.JPG

去到榕樹灣，碼頭一帶都是海鮮酒家，唔怕無好野食啦！

圖片參考：http://hk.geocities.com/otto653653/DSC234223.jpg

順道介紹榕樹灣有個玻璃工作坊，唔收入場費，點都入去睇睇：

圖片參考：http://hk.geocities.com/otto653653/DSC244227.jpg

人手做的玻璃飾物，幾精緻。
相就睇完啦！都應該知道南丫島有咩玩，有咩睇啦。
至於行程安排，如果你們想睇景，建議你們行島南的路線，行一個上午，之後回到索罟灣海鮮午餐，如果唔想食海鮮，酒家一樣有小菜供應，炒粉炒麵餐蛋麵奶茶都有供應，本人食過ok；之後行過洪聖爺灣，玩香草園或沙灘，洪聖爺灣有廁所、燒烤爐及小食亭，飲茶食豆腐花做下午茶正啦！之後到榕樹灣玩，有時間可以海鮮晚餐，之後搭船走。因為索罟灣船最夜10:40，而榕樹灣船最夜11:30，在榕樹灣船開得最夜就可以玩夜點，當然宿營或活動至下午另計，不過上山地塘幾吃力，行唔慣就唔好啦！
如果唔想行得辛苦，就只留索罟灣玩，玩南丫島漁民文化村，或者唔玩文化村，在索罟灣購物完之後行過榕樹灣，放多點時間在洪聖爺灣或者榕樹灣。如果想更輕鬆，就不遊索罟灣，坐船到榕樹灣，行過洪聖爺灣玩，洪聖爺灣可以燒烤，午餐就解決，之後回頭到榕樹灣玩，因為洪聖爺灣近榕樹灣，行程約半小時，大部份都是平路，一定很輕鬆。當然你們可以在索罟灣行到洪聖爺灣玩，燒烤午餐，不過南丫島無超級市場，燒烤用品要先在中環準備，所以在索罟灣上岸，就要拿著燒烤用品行約一小時，上落百多米才到洪聖爺灣，你們頂得順無人會阻止你。因為洪聖爺灣食店不多，午餐唔燒烤就無咩好食，或者要行到榕樹灣才有多點食店你選，午餐後又行回洪聖爺灣玩，之後又要行回榕樹灣坐船走……. ，行程點編你自己諗啦，有問題可以電郵問我，再答你，ok？

http://www.hike.hk/load.jsp?route=lammaa&page=1

雖然此網站沒有地圖, 但此全是明顯路徑, 又有路牌指示, 參考下.