唔想讀書,籃球有咩出路?15點

打籃球唔係話冇出路, 你可以去教人或者入team, 不過呢... 呢一個行業唔係話可以做到好耐, 因為你想想, 如果有一日, 你打籃球既時候整親... 咁你就可以冇得再做一d要咁大體力既sports了... 咁到時點算呢.. 係咪?

你而家都仲係讀緊書, 點都好, 讀埋個中學佢, 至少, 你唔係中學都未讀完, 如果中學都未讀完, 出黎真係好難野做架, 同埋呢, 凡事做咩都好, 留番一條後路俾自己, 如果你有一日真係打唔到籃球, 仲有第2樣野可以幫你搵到食丫嘛 =]

第時係點呢, 好難講架... 你而家唔讀好d書, 過左呢一後時期, 你大個左, 就會後悔點解唔讀好佢, 呢, 浪費左d時間架啦嘛 =] 其實讀書唔係你想像中既咁難.. 可能因為果d你未見過, 未學過, 你唔想去接受佢地, 不過如果真係去留心的話, 就會明架啦, 愈黎愈多野唔明唔問, 只會令到自己更唔想去讀.. 愈而家仲有時間, 把握機會啦, 如果真係想打籃球的話, 讀完書都可以打丫 =]

你不如試下搵一日上堂, 好留心咁去聽, 唔好呆...寫notes..你一定會得既 =] 到時你就會發現, 其實d野唔係好難嘛 =] 點解其他人得你都唔得呢? 就好似001果個話... 你都係英中既學生, 既英文都有番咁上下.. 唔好哂左佢丫 =]

如果你係咁諗既,係籃球付出比一般熱愛籃球既人仲大
精神同時間...係冇得計較

讀書係個保障你第日既出路 最低程度你一定要有

至於打籃球既出路
有心練既,留意籃總網
通常 9月-12月 會有區隊選拔,青苗訓練
呢D課程可以學到好多野,同埋教練都好好
個個係籃總有哂教練資格
之後有成後 考埋教練 可以賺錢係D學校到教,帶隊比賽
亦都可以考裁判,幫學界比賽手 都有錢搵 但唔多

再好既,可以入下D甲聯做球員
就全職,所有心機都係哂度

讀書冇話難唔難,睇你有冇心,籃球易學難精!

最後,我自己個人經歷,初中既我都無心向學,認為讀書唔岩我,上堂大訓,D時間大部份係練青苗,校隊(籃球),比賽 但最後我因為一次既受傷,退出青苗..依家走籃都辛苦 莫講話再比賽...之後先用功讀書
希望你識得衡量番,兩者可共存

可能你d亞sir教學方式吸引唔到你姐,,
我係band1'ga學校入面工作..
有關學習ga問題我念我都可以幫到你ga..
想補習英文都可以搵我bor.
msn:[email protected]
name:viki.
~~

有....籃球員(當然你要有能力代表港隊)
之後就籃球教練囉,但係你要諗下,出面既體育教練除左籃球之外可能仲識教排球,羽毛球,乒乓球,足球,網球,高爾夫球.......下刪n種運動~
只有一樣生存技能的話,你大個左會過得好辛苦
正如選道一樣,你想先行又直又闊既大路,再行崎嶇不平既山路,;定係先剋服崎嶇不平既山路,再慢慢行你既康莊大道呢?
一念天堂,望君三思
圖片參考：http://l.yimg.com/f/i/tw/ugc/rte/smiley_33.gif

其實你讀英中,證明你已經叻過其他中中d人。
起香港,打籃球真係無乜出路,而且運動員生涯得好短,唔可以成世靠佢搵食~