我有機會嗎？

還是第一次遇上這樣的問題。
我，現在在澳洲珀斯，讀書，2010年底畢業，打算留在澳洲，
他，韓國人，30，已經畢業(同我讀畢不多的課程)，也打算留澳，正申請居留，
兩人都可以講流利英文，溝通不成問題

佢係我以前的韓國sharemate-girl(叫SALLY)-介紹識的-可以叫"相睇"，因為大家都係想找男/女朋友，甚至結婚對象。我都有好幾個韓國的朋友，有男有女，來自不同城市，都話韓國一般結婚年齡：男 29-32，女27-29。所以我覺得佢係唔係玩玩下的。SALLY話佢係冇女朋友，佢話個男仔話佢放左工冇節目都幾悶下，佢都想有女朋友。SALLY仲問過佢鍾意點樣的女仔，佢話要pretty, look cute when smile，SALLY話我係。但我自問都唔係差的。但比起佢，可能我唔夠矮。佢175CM，我164CM，行埋都只係覺得高好少。

我第一眼見倒佢，都覺得幾順眼，之後就喜歡佢，我諗佢都對我有D意思，佢有問我拎電話，我地就交換左。

第一次去街，佢想俾埋我果份，但我唔制，我話佢唔係我的家人，唔可以幫我俾。佢笑笑口話我好independent，我話thats why i work。

我地講到拎澳洲居留，我話我係香港人，拎左澳洲citizenship都仲可以KEEP倒香港的PASSPORT，但日本、韓國同中國大陸都唔可以，所以係比較著數。佢提到女仔如果想要澳洲居留，有個更簡單的方法，佢又係笑笑口，望住我，我好唔好意思，但我明佢想講咩，我話thats getting married with a Aus resident，佢點頭，但我話咁樣的危險，又舉例身邊識認的外國-特別係亞洲-女仔，同澳洲佬一齊，但澳洲佬都冇同佢地結婚，一直都只係同居，而且見佢地要拎居留都係返學讀書，考牌。而且澳洲COUPLE離婚率高。我只係想表示呢種方法取得居留係好唔可取, put the girl in to danger.
之後，佢話想我地KEEP倒個relationship, like good friend, 我話I hope so.但其實我都唔知佢想點。但都係第一次見面......

第二日，我地再約過一次出黎-係我約佢的，但佢話都想。佢話佢好累。我唔想見倒佢咁累，一個鍾多少少就走左，雖然我想見佢耐D。

我SD過SMS俾佢，佢只係回覆過頭兩次，之後3次都冇覆。我地係用唔同台，而且呢度發SMS都好貴，但我有SD過我的EMAIL俾佢，但佢又冇覆，又冇SD EMAIL。如果佢唔回覆，我又唔係係咁SD俾佢GE，佢唔願意覆，我唔會迫佢，唔想連朋友都冇得做，呢邊朋友好難找。但我覺得好唔開心。

呢個星期六日，我要返工，佢話佢要見佢個妹，仲有同朋友慶祝生日。而且我星期一返香港for 1 week，要汁野。所以冇聯絡。

我唔知佢係咪想要好傳統果種韓國女人，結左緍之後唔使做野，做全職housewife。但佢見我咁樣，都知我唔會啦。

我知佢係對我有D意思，第二次約會時，我見佢累，我話不如搭巴士(係免費的)啦，佢話佢prefer行路，我好詫異，問WHY，佢笑笑口又唔出聲。後尾諗返，可能佢想同我行，會一齊耐D.....都係估.....佢又冇講...唔可以肯定。但最後我地係行路到火車站，成半個鐘，搭巴士5分鐘。

佢絶對唔係好花FIT的男仔，SALLY係佢同事，佢都咁講。

現在問題係，點解佢唔覆我MSG，因為呢樣野，好唔開心。但我地而家唔係男女朋友關係，或者，都唔知係咪我一廂情願。我地唔特登約出黎，係唔會見倒面的。唯有等......