請問a者有無犯罪?有ge話犯左d咩罪??

a者 罪就一定有 唔係誤殺就係謀殺
如何決定==> 警方會調查a者的為人 看看他的口供可否相信
如果 事件發生時沒有任何影像記錄 而a者亦有案底
我相信被判謀殺的機率很高
(屈打成招 , 提不到事實證明被誤判等等 屢見不鮮)

沒罪,因為只係意外.b者看不到刀才令意外發生

你俾既資料太少，答唔到你

首先，囉住把刀做緊咩野？做犯法野？有合理原因？
第二，咩刀？彈弓刀？重力刀？摺刀？把刀咩長度？
第三，a點拎住把刀？
第四，個環境係點？好多人？

我問依d問題，你會不知所以，但過陣你就明

先講法律，殺人分合法和非法。
________________________________________________________
合法殺人
如果係 1) 自衛或保衛他人或防止罪案或不幸情況，並且 2) 所使用武力合理，咁就叫合法殺人。

侵害人身罪條例第8條：可原諒殺人
任何人因不幸情況或出於自衞而殺人，或在任何其他情況下合法殺人，均不會因此招致處罰。

非法殺人
分謀殺和誤殺
如果謀殺唔成立，會自動下調到考慮誤殺

謀殺定義：
1) 一個人殺死另一個人；和
2)意圖殺人或引致嚴重身體傷害 (intended to kill or cause grievous bodily harm)

誤殺分自願誤殺 (voluntary manslaughter)和非自願誤殺 (involuntary manslaughter)

自願誤殺
原本符合謀殺的定義，但因一些原因下調到誤殺。原因包括：挑釁 (provocation)、神志失常 (diminished responsibility)、協同自殺

非自願誤殺
1) 作出非法和危險行為引致死亡 (causing death by an unlawful and dangerous act)；或
2) 嚴重疏忽引致死亡 (gross negligence causing death)
________________________________________________________

首先，一定唔係謀殺，因為無意圖殺人或引致嚴重身體傷害
因為唔係謀殺，所以都一定唔係自願誤殺
唯一可能係非自願誤殺

就非法和危險行為引致死亡而言，首先要睇a拎住把刀係咪非法。

如果係彈弓刀或重力刀，根據武器條例係違禁武器，拎出街已經係非法。首先可以charge a 管有違禁武器，如果a做緊既野係危險可以告埋非自願誤殺既非法和危險行為引致死亡

如果係短過2.5寸摺刀，唔係攻擊性武器，亦唔係違禁武器，拎出街合法。咁就一定告唔到非自願誤殺既"非法和危險行為引致死亡"

如果係長過2.5寸摺刀，係攻擊性武器，如果拎出街無合理理由係犯法。如果a無合理理由，而且a做緊既野係危險，可以告非自願誤殺既"非法和危險行為引致死亡"

就"嚴重疏忽引致死亡"而言，a點拎住把刀同個環境係點關係重大
如果好多人行過，a做野個時唔理把刀，咁岩把刀指住d途人，b咁岩插死左，就有機會構成非自願誤殺既"嚴重疏忽引致死亡"。但講真機會不大，因為嚴重疏忽要求好高，如果陪審團只覺得a係疏忽但不至嚴重疏忽，非自願誤殺既"嚴重疏忽引致死亡"一樣唔成立

如果a拎住把刀本身唔係犯法，佢又唔係疏忽 (例如佢見唔到b，把刀唔係指住人，b自己撞埋去)，呢個係不幸情況下合法殺人，a可以無罪釋放

法律如果有 001同002講咁簡單就好啦....



2009-04-20 17:54:28 補充：
屈打成招屢見不鮮係真，但當單案越嚴重就越小機會發生
俾人charge誤殺/謀殺唔係唔請律師麻?
無律師，差佬蝦你唔識野先屈打成招姐，有律師差佬又點敢屈你？

2009-04-26 14:07:24 補充：
好明顯有人惡意投低我個解答啦
有d心機睇下都知我個解答好d