✔ 最佳答案
<我一日吸收ge能量大約幾多?>
我唔識計算做運動燃燒了幾多卡路里，或你的食品卡路里含量，但我倒有些建議給你的。
以營養的角度，你的飲食品並不算健康，偏食之餘卻很肥膩，而且欠缺蔬菜；你得 17 歲重發育緊的，你目前的餐單卻不能提供足夠營養，無論你是男生或女生，都唔想連該大的地方都唔長大吧？
詳細的飲食分析如下：
早上 7仔撈麵： 7仔撈麵含高油的，所以好肥架，但又唔夠營養，因為主要得澱粉和脂肪，但蛋白質很少。
建議改為腿蛋治之類，同時有碳水化合物和蛋白質，提供能量和發育所需，而且含脂肪量少得多，更健康又唔會肥。
午餐 1 碗飯+豬排 或 一碗魚蛋米線：無論係豬排飯定魚蛋米線都有澱粉和蛋白質，本來都 ok 的，但係欠缺了蔬菜。
不過我估計你的午餐都是街外買，並非帶住家飯吧？街外的煮食方法都會落好多油的，所以亦好肥的，如果可以的話試下帶飯，唔得的話都無辦法，你可以 keep 住呢兩樣野的。
午餐街外飯無蔬菜，咁你都可以帶個蘋果或橙作為飯後果嘛 (或任何生果都得，總之你喜歡)，方便好味又有營養。
晚餐(5:30) 半碗飯 + 抄豆腐：太寡了! 只得飯和豆腐，又係唔夠蛋白質和蔬菜，豆腐雖然無脂肪但用抄的話一樣有油的，換句話說也會致肥。
建議一定要有肉類和菜，乜都無所謂總之要有! 烹調方面要揀 d 較清淡的煮法，例如蒸肉餅。
其實炒下肉炒下菜，有多少油都無所謂，反正脂肪都係身體必須的營養，問題係你食 D 野唔夠營養但偏偏多油!
另一方面，你 5 點幾就食 <晚飯>，之後一直無野落肚，到第二朝至食早餐，假設你早上 8 點食早餐的話，即係晚飯連續 14 個小時無補充營養，對你發育都唔好的。
建議一係將晚飯推遲少少，例如到 7-8 點至食，如果中間怕餓的話，就食少少下午茶啦，亦都係簡簡單單的三文治 / 麵包 / 水果就得，有營養唔怕肥又唔會多到影響晚飯胃口。
又或者食清淡少少宵夜，亦係三文治 / 蘋果之類，能夠補充營養又唔怕肥。
<我隔日跑45min同咪隔日重訓30min 咁樣會唔會減到肥? >
要減肥，隔日跑步 45 分鐘就很有效了，因為跑步都係帶氧運動，一般每週 3 次，每週 30 分鐘或以上就有減肥效果，你體能負擔到 45 分鐘當然更好啦。
不過我唔知你目前的身高體重，唔知你現在是否超重。假如你是超重的話，並不適合跑步的，因為會令膝蓋勞損 可大可小的。
假如你是超重，就改為游水 / 踩單車或向上行樓梯吧。在家裡亦可以減肥的：找一張穩固的矮凳，然後不停地踩上踩落，要<向前踏上，向後踏落>，而且亦要慢慢踏，唔好急，亦係每星期 3 次，每次 30 分鐘或以上。
另一方面，負重運動並不能直接幫你減肥的，如果你目標係減肥，就可以先集中做跑步先。
當然，你喜歡邊做跑步邊做負重也無不可，因為適量的負重運動能夠增強肌肉和提升身陳代謝率，間接令你跑步時燃燒更多脂肪，所以係間接地幫你容易 d 減肥囉。
不過都係個句：要減肥的話，應主力做帶氧 (跑步)，負重只視為輔助。
詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx
衛生署的運動介紹：
http://www.cheu.gov.hk/b5/info/exercise_02.htm
最後想提醒你：無論減肥定做運動，都要持之以恆，世界上無一勞永逸的減肥方法的。
