法律用語有哪一些?

✔ 最佳答案

衰十一、老強，只係d人對刑事罪行既俗稱，談唔上法律用語
起碼我肯定法庭審訊時唔會用依d所謂「法律用語」XD

衰11，即「與未成年少女發生性行為」，共11個字，所以叫衰十一
d人坐監個時被人問「你衰乜嘢」，咪答「我衰十一」羅!
但如果對香港法律有d認識，就會知並無「與未成年少女發生性行為」依條罪
d人講衰十一，其實講緊香港法例第200章刑事罪行條例第124條：「與年齡在16歲以下的女童性交」。事實上，香港女性成年年齡和男性一樣，都是18歲，所以同16-17歲未成年女性性交並不犯法。所以衰十一其實係d人誤解法律搞出黎既用語，又點可以稱之為法律用語?!

老強即強姦，刑事罪行條例第118條

衰十三，即刑事罪行條例第123條：「與年齡在13歲以下的女童性交」，因為依條罪既年齡限制係13歲

拋臭格，即被警方扣留

拋老荔，即還押監房

入冊，即坐監。

傷人40，即侵害人身罪條例第40條：普通襲擊

傷人39，即侵害人身罪條例第39條：襲擊致造成身體傷害

傷人19，即侵害人身罪條例第19條：傷人或對他人身體加以嚴重傷害

全部只係俗語!!!

因為香港源用英國法制，用英國普通法，而且法庭審訊仍係英文居多，正式法律用語通常都係英文。

Negligence，即疏忽，法律上唔係指唔小心咁簡單，下分好多細項，詳見本人其他解答。係民事法律中一個 action

Trespass，即侵害他人權益，可細分 trespass to person (民事法律上被人打要求賠償既 action)；trespass to land (民事法律上被人侵佔土地要求賠償既 action)

Vicarious liability，即轉承責任，僱主需為僱員於工作過程中犯錯而引致既損失負責賠償

Reasonable person，即一個合理既人，係疏忽以至其他法律經常用到。合理既人係邊個？本應係指擁有社會道德標準既人，如果有陪審團都話姐，無既話合理既人咪姐係法官大人羅...

Property，你會以為 property=土地物業，同一層樓掛勾。但法律上property係" a bundle of rights"，係指一d權益，係無形既

Estate，唔係指公共屋村，係指死者遺產

Mens Rea，拉丁文，英文係 guilty mind，即有罪企圖。以強姦為例，Mens rea係企圖插入陰道+知道女方唔同意性交或唔理佢同唔同意性交

Actus Reus，拉丁文，即構成刑事罪行既行為。以強姦為例，Actus Reus即男方實際用陽具插入女方陰道+女方實際唔同意性交

Plaintiff，即民事訴訟原訴人

Consideration: 唔係指考慮，係指合約雙方都有付出/得益。如果我應承答你問題，唔收分數，依份唔係法律上既合約，因為你無付出/我無得益。一個協議無 consideration 法律上就唔可以執行，所以就算我應承答你問題，唔收分數，我之後唔答你都唔可以告我

回答 (2)