有關婆媳問题,幫幫我吧!

佢咁講可能係有啲唔鐘意你,不過佢都有收口就算啦!再講都係無用架!另外,你話覺得佢假,其實都係架,不過到現在先知咁解!你要諗下,唔係個個奶奶都可以當人地個女好似自己女咁架

我都已經結咗婚,我個奶奶都係咁,所以我明白你好難受,因為你真係唔係佢諗咁樣,而現在才知道佢咁諗你,個心一定好唔舒服,我有一次問我奶奶(因為我怕佢話我用錢多),亞女在學校的興趣班要交下一期,但我又覺得麻麻地,想同佢去另一間,不過就貴啲,問佢好唔好,佢就話到學校啲係無咁好架,咁我話如果出面又好似好貴咁,佢就話好啲都好既,咁我當時以為佢真係好支持我,轉頭原來佢同我老公講,其實佢自己都有個答案架啦,只不過佢想人支持下佢,我聽到即時好唔開心,我真係唔係,如果佢同我講唔好我係唔會,亦都唔會唔鐘意,但佢都係咁,

所以有時就係咁無奈架啦! 我最唔明就係點解一家人都唔可以講真話?

佢可能知你地唔係搵好多錢,擔心你地唔識慳d唔夠錢用!
始終大家一直生活環境習慣都唔同,要佢接受多個人一齊生活係要一段時間適應,佢都有即刻講返,〝你不好放在心中,我無乜意思。〞証明佢都唔係想同你嘈交既!
我媽媽都係口直心快既人,講野成日唔經大腦,我老公同我亞嫂都聽唔小,有時連我都頂唔順佢,不過我老公話齋:明知佢性格係咁,可必為d無心快語而唔開心呢?!
我自己同99關係都係一般,不過我就同老公溝通左,會對佢呻吓對99既不滿,佢只會做聆聽者,保持中立,因為佢知我呻完發洩完就冇野,而且我媽媽仲難頂過佢百倍啦!

2009-04-24 18:28:06 補充：
難聽d就叫假,好聽d就叫圓滑!唔係人人都咁識講野,就當佢亂講野,聽左就算啦!唔好深究咁多啦!

你奶奶幾歲 ? 會唔會冇記性，如果係特登咁做，就好有問題，你哋結婚幾耐，你同佢一齊住，就遲早吵大鑊 ，你隱得幾耐呢，你又唔似冇所謂，因你在此出聲講，即你介意啦!

(如果我同她吵,我老公一定幫她呀。) ..........點解你老公一幫佢呢，你老公唔識分析對錯 ga 咩，益話係你唔 arm 先，所以你要客觀 d 睇，會唔會係你有問題呢，如果你肯定你冇錯，你就要企硬，如果死隱，成世留留長，人都癲呀，如果你老公盲目咁幫佢呀媽，咁你點同佢過世呀，佢都唔係好愛你啫.........我覺得。

其實講到尾，你老公先係關鍵人物，好睇佢識唔識做。


我係一個結婚就快30年既師奶，lee d 野真係見唔少，可能不久既將來，我都要做人奶奶，唉，我都係度學習中。

2009-04-20 00:48:41 補充：
其實有句說話真係好 arm ga ，一條鎖匙係唔會响 ga

點解同埋住,遲早吵架,何必呢出面租間房住好d.

佢果時叫你去同佢影可能講下笑同出於佢係你奶奶所以講你句扮支持下你..佢以為你應該最後都吾會去點知你去左又可能因為當時佢心情好先咁說..同埋d師奶係比較中意發下盧so.吾洗點理佢..同埋佢對住家人問你點解姐..應該吾係罵你點解咁貴都去拍..最後果句咁樣講可能見過人地d兒媳係超好先有1.2句呢d咁的說話的姐
不過佢吾多吾少都有d(8)
建議:你對你奶奶好d..

盡量避免同佢單獨講嘢！嘈都無意思嘅！因生活上太多嘢 可以嘈啦！一句半句咪當佢唱歌啦！老公鍚你咪得，放鬆點，個人輕鬆點人都靚d，老公又鍚多d la

睇完你既處境,想問一下你奶奶既語氣係點??好惡??定係帶著笑容果d??佢話「如果我老公有錢(我老爺),個仔(指我老公)一早巳結婚啦!現在卻遇上你!」

惡既話,罷明唔太喜歡你,後者既話,佢應該無意的,係感到安慰!