棄保潛逃唔會要額外坐監 / 被罰. 只係充公保釋金就算

答咗你啦... 再post多次.
正式嚟計係有法例針對棄保潛逃嘅.

根據香港法例第221章<刑事訴訟程序條例> 第 9L(1)條 -
獲准保釋的人如無合理因由而沒有按照法庭的 指定歸押， 即屬犯罪。一經循公訴程序定罪，則可處任何款額 的罰款及監禁12個月。
但係法庭通常會引用 <刑事訴訟程序條例> 第 9M條 -
如任何獲准保釋的人無合理因由而沒有按照法庭的 指定歸押， 則不論該人是否已就根據第9L(1)條所訂的罪行而被定罪， 法庭亦可命令將作用為確保該人會歸押的任何:
(a) 由擔保人作出的保釋擔保； 或
(b) 存放於法院的款項， 全部或部分沒收歸政府所有。
而唔會另行浪費人力物力去引用Sect 9L(1)去開庭告佢. 咁多年來我都未見過法庭用 Sect 9L 嚟處罰棄保潛逃嘅人.
佢棄保潛逃, 唔代表佢有犯案. 所以一定唔會影響正審.

2009-04-18 10:09:54 補充：
初頭當然會揾哂佢屋企, 公司, 親朋好友嚟刮佢啦. 法庭有order, 差人一定做嘢.
重會一定第一時間通知入境處, 禁止佢出境. 如果發現佢已離港, 就會通知公安 (經大陸口岸) 或國際刑警 (經機場). 然後繞埋咪雙手睇吓幾時捉到佢囉.
如果佢無出境, 就一定捉到嘅. 除非佢唔出街, 否則落吧 / 機鋪時常有查牌, 行街又會查身分證, 坐車又有road block, 總有一次嘅.
如果係大單案, 就會主動 d . 聯絡銀行查佢係邊用提款機, check佢八達通紀錄, 諸如此類. 係報紙成日話追查八達通紀錄而拉到人, 咪就係咁囉!

2009-04-18 10:20:19 補充：
我見過有人棄保潛逃真係成年幾唔出街, 呢係個漁排度. 有一次急事坐車去揾人, 撞車喎! 差人嚟一落口供, 拉咗... 世事好巧合!

俾佢走去大陸 / 外國, 人生路不熟, 又唔係有幾千萬傍身, 挨得幾耐?

出得嚟行, 預咗要還. 如果真係有犯法, 俾人拉到, 無計啦! 勇敢 d 受咗佢, 出嚟後又大把世界... 如果真係無犯法, 怕乜呀!

出得嚟行, 預咗要還. 如果真係有犯法, 俾人拉到, 無計啦! 勇敢 d 受咗佢, 出嚟後又大把世界... 如果真係無犯法, 怕乜呀!

呢句好正~.~