✔ 最佳答案
我好好奇, 有d乜嘢事緊要得過上法庭?
佢係犯咗刑事案喎! 上庭受審係法律程序, 唔係約朋友去睇戲. 刑事案係無得 "請假" 嘅. 除咗:
(1) 佢病到起唔到床. 重要係醫院床, 有醫生証明果隻, 唔係屋企床.
(2) 佢父母瓜咗 (阿爺 / 大佬 / 叔仔都唔得).
佢無事先得到法官批淮而唔出庭, 就會當佢棄保潛逃. 法庭會出手令通輯佢. 亦會通知入境處禁止佢出境. 如果佢出咗境就會通知國際刑警通輯佢. 當然警方會去佢屋企, 公司, 親戚屋企等地方搵佢, 亦會通知所有巡警查身份証時留意呢個人.
佢嘅保釋金會被充公. 如果有人事擔保咁擔保人會被召上庭交保釋金.
如果揾到佢, 就會將佢還押監房直至正式審訊. 唔會再俾佢擔保.
唯一可以放心嘅係, 佢棄保潛逃唔會要額外坐監 / 被罰. 只係充公保釋金就算. 亦唔會影響佢正式審訊.
我上個月有單強姦案, 被告俾保釋. 有一日食咗傷風藥瞓過龍, 遲咗半個鐘出庭, 阿湯寶臣老爺 (法官) 即刻取消佢擔保, 拘留荔枝角. 雖然後來打甩咗, 但已經無端端坐咗6日監, 兼俾人通柜...
2009-04-18 09:03:01 補充：
正式嚟計係有法例針對棄保潛逃嘅.
Cap. 221 <刑事訴訟程序條例> SECT 9L(1) - 獲准保釋的人如無合理因由而沒有按照法庭的 指定歸押， 即屬犯罪。一經循公訴程序定罪，則可處任何款額 的罰款及監禁12個月。
但法庭通常會引用 Cap. 221 <刑事訴訟程序條例> SECT 9M -
如任何獲准保釋的人無合理因由而沒有按照法庭的 指定歸押， 則不論該人是否已就根據第9L(1)條所訂的罪行而被定罪， 法庭亦可命令將作用為確保該人會歸押的任何:
(a) 由擔保人作出的保釋擔保； 或
(b) 存放於法院的款項， 全部或部分沒收歸政府所有。
2009-04-18 09:04:30 補充：
咁多年來我都未見過法庭用 Sect 9L 嚟處罰棄保潛逃嘅人.
