關於體能問題~(專家請入)

要瞭解問題所在，你最好詳細寫出你的鍛鍊流程。

不過一般來講，體能越練越差係三大原因：

1。唔夠休息。休息有兩個層面，最基本就係睡眠，你每晚睡眠夠 8 小時嗎？定時定候訓覺，抑或晚晚都唔同鐘素呢？

都市人好多都會忽略睡眠的，但睡眠卻不一般人想像的還重要，因為身體好多修護 / 回復 / 增強的程序作用，都是在睡眠中才發揮出來的，睡眠不足，連帶呢 d 修護 / 回復 / 增強的程序都沒法正常進行，體能也無發增長了。

第二個層面係肌肉方面的，一般來講肌肉響運動後，要休息 48 小時的，即係話假如我星期一舉啞鈴練胸，咁星期二就唔可以再練胸了，不過可以練其他部位，例如膊頭。

2。唔夠營養。運動後必須要補充碳水化合物和蛋白質，前者為身體提供能量，後者作為強化肌欲和修補運動後的損失，兩者缺一不可。好多做運動的人，都會運動後立即食少少野的，例如一份三文治，一個生果等等，就係為了補充營養了。

如果你唔夠營養，身體沒法補充失去能量，肌肉欠缺蛋白質去強化，體能就沒法提升，甚至會退步添。

3。練不得其法。呢樣野我無辦法響文字上教你的，究竟你如何鍛鍊呢？動作正確嗎？呢 d 要由懂得的人親自看過你，才能指正的。

如果練不得其法不但之無效，重可能會受傷，甚至慢性勞損，不可掉以輕心。

較常見的錯誤，就係組大氧運動的時間不足，例如只跑 10 分鐘就算，其實帶氧運動要連續做 30 份量或以上才有效增強心肺功能的。

又或者運動是呼吸不正確。唔同運動有唔同的呼吸法，但無論係邊種運動，都需要呼吸夠 <深> 而具節奏，不可短淺急速，否則對身體反而唔好。

你睇下自己有無犯以上的問題才對正下藥吧，也建議你找運動較有認識的朋友，幫你睇睇做運動時的情況，他們也能提供有用建議的，如果你係學生，就問學校的體育老師最好，他們也很專業的，一定能夠提供針對性的建議。