請求高手教路!!!防毒軟件 - 端點保護

你的問題問得很好呢! 所以我忍唔住要詳細少少答你，希望你花少少時間睇，同埋唔好移除這問答。

我唔係好肯定你所閱讀的資料從何而來，我只可以講：那篇文章是將一些明明一般人都懂的事情，卻偏偏要用一些很艱深嚇人的字眼，扮高深。

其實所謂的 <端點保護>，即係英文叫 <end point protection>。

究竟係乜？咪就係安裝響一般家用 / 辦公室電腦的安全軟件囉，包括防毒，反間諜，firewall，加密等等。

而相對於 end point security，就是 server security 了，即係安裝響 server 度的安全措施，除了包含了一般的防毒，反間諜，firewall 和加密之外，也有其他的，不過詳細我也不太瞭解了。


<殭屍毒同端點保護有什麼的關係呢？>

殭屍毒其實都只係病毒的一種。普通的病毒是獨立運作的，最多是由個 hacker 控制你的電腦，是一對一的運作模式。

而殭屍毒則是一對多，即係一個 hacker 就遙遠控制晒所有的受感染電腦，例如個 hacker 下一個指令，就會令所有受感染的電腦發出垃圾電郵，或一齊攻擊某一個網站等等。

站在普遍用戶的角度，反正都係病毒，都會危害電腦安全和私隱，都要殺毒架啦，殭屍唔殭屍都無分別的。


<那是不是表示，即使防毒軟件是有UPDATE病毒定義資料版本，有PERSONAL FIREWALL，同埋個有Router提供的FIREWALL WALL都是沒有用呢?>

正如上面所講，end point security 即係防毒，反間諜，firewall 和加密等等，只要你有齊以上野，安全成都高好多了。當然，世上無 100% 安全的，你做齊都唔代表你一定無事，但而且可以減少好多麻煩了。


<我知坊間有很多防毒軟件對於手指毒都係無咩辦法。>

不可以這樣說。其實手指毒都係病毒，都可以透過一般防毒去解決的，不過亦證如上面所講：無 100% 安全的，每隻防毒都會有 d 野係掃唔到的。


<而防毒軟件都係要依賴專業人員不斷要UPDATE不同名稱的VIRUS變種。如果無UPDATE..個防毒軟件就等於無裝一樣。>

我好同意，呢個係事實，病毒動防毒就係貓捉老鼠的遊戲，永遠先有病毒，然後被發現了才更新防毒 signature，所以防毒永遠被病毒慢一步的。

故此我地唔可以只靠防毒，要配合其他的安全措施 (例如 firewall，restricted user mode)，更要自己小心。


<我E+多素都會用SkyDrive的...但係...有時真係要非用手指不可。>

你可以自己部電腦的 usb 手指 auto run 功能關閉，而且日常工作盡量以 restricted user mode，就可以大大減少風險。

usb 手指毒的麻煩處，就係你一插隻 usb 入電腦，電腦就會自己執行同安排隻毒露電腦度。

而只要你 disable 左 usb autorun，就會避免一插即中了，再加上你如果響 restricted user mode 的話，就算 autorun 行了隻毒，但隻毒無法更改系統設定，就唔能夠安裝響你部腦度，俗稱 <唔入肉>，咁一來大大限制了病毒的破壞力，也令你 / 防毒軟件能更容易清走隻毒了。

有關如何設定<restricter user>，請參考我另一條問答：
http://hk.knowledge.yahoo.com/question/question?qid=7008101901539

如何設定 disable usb autorun (英文網站)：
http://www.sizlopedia.com/2008/03/18/disable-usb-autorun-to-save-pc-from-usb-viruses/

有關其他一般性電腦保安資料，請參考我另一條問答：
http://hk.knowledge.yahoo.com/question/question?qid=7009031300973