有關見工的問題,希望各位朋友可以俾啲意見,幫幫我!

你現在見的工同你以前做的工作,性質是否有些相關呢?
如果是的,見工時就可以講以前的工作經驗,就算以前的工作同現在唔同,但你講講以前做成點,懂得做什麼工作,相信都一定會有些幫助.
同時現在見工是否需要你上次的離職證明呢?如果唔一定要證明,你可以講只係無做幾個月就得,唔使真係講無做年幾咁耐啦!
有時要填工作履歷表的話,只要你的年月日子夾就可以,無人咁詳細去查你的!
你可以講當時有病需要休息,但唔可以成日請假,所以要辭職,後來搵唔番份工,變成無做幾個月咯!
不過你一定要講現在身體已經無事,十分健康,否則人地以為你有病又要成日請假呀!
見工不必太緊張,心情要放鬆,態度要誠懇有禮貌,見面叫句早晨,講多句唔該或者多謝,俾人印象都較好一些,總之隨機應變就可以!
暫時係咁差不多了,祝你見成份好工!