交通意外後 , 唔知點做 急急急 20分

我於 31-3-09 楂私家車時被後面旅遊巴撞我車的泵把, 尾門, 車尾燈 , 因對方跟車太貼, 我出讓路時收油, 佢收唔切就撞埋黎啦。 當時已經當埸報警備案(但當時未落口供的) 。 當時警員叫我地亙抄相方電話以便追討賠償(因當時無人受偒)。


到01/4 旅遊巴司機主動打黎傾有關賠償, 他建議我把車子拿去他的相熟車房, 我當然不答應, 我說要我自己的車房整,整後報價給他, 之後, 車房報價我車需要 $7,000 -$8,000 維修費, 我打給對方話要賠償$1,0000 , 但對方話不接受, 佢話只可以賠償 $5.000 了事, 咁我當然不接受啦...之後佢就一直都再無主動聯絡, 等咗3天, 個司機都無打過比我, 咁我未打去揾當日備案的警員跟他說大家都和解唔到, 睇吓幾時約時間落口供, 但當時警員回覆話這幾天佢很忙, 話比多幾日時間我們睇吓可否傾掂和解, 若真的不成, 復活假後會幫我落口供, 咁我未又等囉...一直等,等咗成6日(復活假)前. 對方司機都無打過一次電話黎, 反而我打過一次同佢講我復活假後就要落口供, 問佢賠償個到點, 佢仍然企得好硬話一係5.000 , 一係去佢車房整, 我話唔得, . 佢仲串到話: 咁我都幫你唔到, 我都預咗比人告不小心驚駛架啦"。 佢既然咁講咁我都預咗復活節後落口供CLAIM對方啦...



本來已經約咗POLICE 15/4 落口供, 點之係 14/4 對方司機終於第二次打黎話賠償金額有無得傾, 相討後, 大家要協議 $8,000 了事 (因我都怕CLAIM 對方燕梳又煩又耐), 但佢話要等佢老細簽票 , 要二日時間, 咁我未又等囉..又同佢差佬話又傾掂囉...但點之, 我今日 (16/4)收到個司機電話, 佢話佢老細唔肯賠喎,,,真係激死, 好似玩嘢咁, 本來都約到咗明天17/4 攞錢, 消案, 突然間又話唔賠, 火到黎埋。 我有以下問題呀...謝謝各位回答, 因我第一次遇上這樣的情況。




問題一:
其實這單CASE 係好明顯係因對方跟車太貼而導致撞我車尾, 我唔明白咁點成件事係我急過佢, 佢唔怕我CLAIM佢保險公司嗎?


'

問題二:
車房同我講話旅遊巴墊底約要約 $ 20,000 。咁NOW 我要佢賠 $8,000 唔係好過份啫, 我都係拎黎整車啫(都好傷吓架) , 如果我CLAIM 佢燕梳, 佢墊底都 $20,000啦...咁點解佢唔係賠 $8.000了事, 佢根本無著數, 我真係好唔明白點解佢可以企咁硬, 錯係佢喎, 我要求又唔係過份。




問題三:
佢之後又話賠, 過二日又話佢老細唔賠, 佢係唔係有乜蠱或嘢呀.
會唔會佢見我係女仔蝦我唔識呀...





問題四:
案件發生咁耐我一直都無同自己保險公司講, 因為我一直都唸住和解到, 點之比對方一日拖一日, NOW. 過咗14日 (我保險公司要14日內申報的) 咁會唔會導致我第日CLAIM 唔到錢架。




問題五:
我追討賠償贏面大唔大, 係唔係一定會追到賠償, 如果追唔到賠償會係乜原因呢? eg: 撞我的只是司機(佢楂旅遊巴), 到時個司機走佬 (佢係泰國華僑), 佢公司又唔認數. 咁我追邊個呀...??





問題六:
跟住我應該什樣去追討賠償, 請詳細敎我點做。





問題七:
公證行追討賠償後, 會抽幾多 % 架。





問題八:
事發至今己16日, 還可以告嗎? 公證行映相有效嗎? 旅遊巴司機是否有心把時間拖咁長呢導致CLAIM 唔到錢呢??????








我到宜家都好唔明好唔明點解佢唔肯 $8,000了事(我己經讓咗步架啦) , 佢旅遊巴墊底都要 $20,000 啦......我CLAIM 佢燕梳佢真係一D好處都無喎, 點解佢可以企得咁硬, 佢有無蠱或架.....




內容, 問題真的很長....因我第一次遇上這樣的情況, 不懂如何處理, 謝謝