新手健身提問

你應該先去上晒所有的康文處講座，然後再正式報埋康文處核下 gym，響個度跟教練同其他資深師兄學晒 d 基礎野先啦，而且要慢慢逐步學，唔好未學行先學走，不要急於求成。

器材方面，康文處的 gym 都已經有齊基本設備，而你既是初學，要求也不是很高或很特別的話，100% 肯定夠你用幫到你的。

至於你所講的網址我係咁意睇過下，大致上都 ok 的，都是些很基礎的鍛鍊，能夠增強體能和練出肌肉雛型，不過不會真的很勁很大隻。

另一方面，與其睇網站的圖和文字，點解唔直接 join gym 向教練和師兄請教呢？圖片和文字是死的，只能給予一個基本概念，但不會話你知你做的動作是否正確，呢 d 只有教練和師兄至可以指導和糾正你的，捨真人而取圖文，並非最明智的選擇。

其實我一直都唔太建議初學者依賴圖片或文字示範去練的。需知健身的動作，好似差少少，效果就差好遠了，不正確的姿勢甚至會導致受傷添。

假使初學者只係睇到 d 示範就自己試，又無人指導的話，其實唔懂得分辨自己做得正唔正確的，自以為已經跟足了圖，其實可能做到錯晒都不自知，要切記。

我見好多人好勤力做 gym，但做極都唔大，原因往往係因此個動作做得差而不自知。如果你 practice 緊一 d錯誤的動作和姿勢，則點practice 都不會 make perfect 的。

所以，圖片 / 文字 / video 的示範只適合已經章握了基本功的人士，他們看了那些示範再配合已知的技巧，才能正確的自學的。

我響另一條問答列出了一些增肌時心得，有興趣你可以去看看：
http://hk.knowledge.yahoo.com/question/question?qid=7009032201509