倉鼠隻眼附近甩毛 (快入)

鼠鼠甩毛,之後到眼邊甩毛合唔埋眼,可能係皮膚病,再因為衛生唔好及多菌既問題而令眼睛發炎,眼既問題自己處理唔好,最好可以睇醫生處理,真係唔會睇醫生既話,只能處理左皮膚病及衛生問題,希望眼睛慢慢會好,但當然唔及睇醫生好,鼠鼠眼睛咁好易會受細菌感染,後果可以好嚴重都可考慮而家開始為鼠鼠儲錢,始終鼠鼠都係動物,會有病既時候,有d問題自己又真係好難處理得到;會睇醫生時,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

同時要留意會唔會係其他原因令鼠鼠甩毛,如果係以下既情況就要有唔同既處理:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒or較硬,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,草同木糠會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)唔好用有色or有味既木糠同沖涼粉,因為呢d都好易令鼠鼠皮膚敏感,敏感嚴重起唻係會致命既
7)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠