運動問題 高人請進

首先，我唔係高手，不過都同你分享下啦，我以前都係孱仔一名，係透過運動來改善健康以至整體身型的。

做運動跟上學沒關係的，我地 d 在職人士，手停口停，一樣大把人放工後抽時間做運動，只係你有無決心，肯唔肯騰出時間的問題。

要改善身體，來來去去都不外做運動的。

最簡直直接，就係跑步 / 游水 / 踩單車 / 向上行樓梯等等。一般人每週三次，每次 30 分鐘就得。當然，你無運動的習慣，初初唔得唔出奇，可以做短 d 時間，慢慢至延長時間。

在家裡也能鍛鍊的：

1. 踎低起身：好簡單，踎低後再起身，動作要慢，唔好急，能夠強化大腿和臀部肌肉。隔天做，每次分開三組，每組 20 - 25 下，能夠做得到的話可以增加下數，每組之間休息 2 分鐘。

2. 踏步：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

3. sit up：鍛鍊腹肌，不過如果你有肚腩的話就暫時不要做，要先做多 d 帶氧運動和 (2) 的踏步，都消左個腩才開始做 sit up。

4。掌上壓。

以上的都是一般性鍛鍊，主要係幫你打好基礎，個人夠氣 d，骨骼和整體發育好的，d 肉變 firm 有線條 (但不會大隻)，有精神，而且又唔會花你好多時間，也不需要屋企好大。

身高方面，主要是天生的，暫時並無任何確實的醫學證據顯示任何食品，運動或藥物能夠增高 (欠缺營養倒會妨害增高和發育)。

所以你不必找方法刻意增高了，只要有健康的體魄，做運動，充足營養，充足休息，自然就會發育得好，自然地增高了。

最後想再次提醒你：做運動要持之以恆的。


2009-04-16 20:53:24 補充：
<唔知點解一做運動就遍頭痛>

因為你唔夠氣兼體能太差，無辦法，呢 d 野真係要慢慢練慢慢提升，如果你自己唔踏出第一步，係無人幫到你的。

你可以嘗試行下平行木,而跑兩步就唔夠氣方面,你可以慢慢增加路程,我自己跑步都跑佐幾年,由紅磡跑到尖沙咀,這個方法一定掂,又夠簡單!(以上方法必定冇騙你!因為我試過)最後回答既一個問題:唔知點解一做運動就遍頭痛?答: 頭痛是一種在頭部或肩膊以上位置發生的局部痛症，是痛症中最常見的一種。

成因
頭痛的成因有很多，而不同的成因，要用不同的方法去對付。因此，每當頭痛時立刻服用止痛劑，其實是一種不好的習慣。一般來說，輕微至疲勞、傷風、感冒、鼻敏感都可能會引起頭痛，嚴重的有可能是偏頭痛或腦腫瘤所引起的。每當頭部受傷，都一定會有頭痛。不過，其餘的可能成因，卻未必一定會引起頭痛。

飲食、環境及情緒亦可引起頭痛。當一個人緊張、甚至產生焦慮時，都會引起頭痛。亦有不習慣在空調環境生活，或從潮濕地區搬往乾燥地區生活的人，每當環境變得乾燥時，會感到頭部有一種被扯着的痛感。此外，長期依賴咖啡因類飲品在開始停止飲用時，亦會感到頭痛，因為咖啡因有鎮痛的效果。

常用止痛劑
普遍使用的止痛劑屬非類固醇一類，但對於部份偏頭痛患者，他們可能需要特別處方的藥物。以下列出三種常用的止痛藥，亦有消炎退熱作用：

阿士匹靈類
克痛
撲熱息痛
必理痛
幸福傷風素
布洛芬(Ibuprofen) 希望我可以幫到手啦!