^^怎樣去追討因樓上廁所滲漏而引至的損毀!!!??

我係現任食環署/屋宇署聯合辦事處的環境滋擾調查員。

我完全唔同意之前o個位朋友o既講法,咩叫"死人食環處白痴的"? 我覺得如果天花已經開始滲水,你遲早都會再執返靚個天花,又何必介意有少少顏色暫時留o係天花板。反之,食環用色水做測試,效果明顯,而且食環有絕對權力去進行呢個測試,如果樓上唔合作,唔開門,食環可以向法庭申請手令破門入屋做測試。試到真係樓上問題,出命令要樓上業主整,限期前整唔好就會告。

2009-09-29 16:44:34 補充：
我見唔少一o的明知自己屋企漏水落下面o既人,以為唔開門,或者拖住我地就可以,講真,雖然我地好多野做,但如果佢地唔合作,我地條氣唔順揸正黎做,佢都幾麻煩....所以,建議如果食環真係來你屋企,就要好好合作......

我提議你先到警署備案.
再用攝錄機詳個地拍低損毀程度.
經工程公司打價後.再經律師出封卦號信比佢.
當工程完成後.
最後可請公証行經法律程序代為追收.

我之前有遇過同樣的事, 但因為樓上樓下大家都有買家居保險, 所以我報了給保險公司知道之後, 保險公司即賠番所有錢給我, 包括 乾洗衣服的錢, 住酒店錢, 及室內裝修及之後清潔 的實額 費用 (但扣除 $3000 墊底費). 我問過公正行, 他們說如果此滲漏是樓上無法預知或阻止的, 即毋須索償, 所以自己無端端都要損失 $3000. 如樓上是可預知此或可防止此滲漏的, 則我們的保險公司會向當事人或其保險公司索償, 如果他們拒絕賠償, 我相信可進行民事訴訟 (小額錢債) .

你可以找裝修公司問價, 然後決定是否向樓上追討此項賠償, 其實大部份人整烏糟人地間屋, 都會賠償, 只有少數人會厚面皮到不聞不問, 拒絕賠償, 他們是否已修好自己的厠所, 如未, 你要通知大厦管理處, 或報政府部門 (不知是不是食環署).

希望你得到應得的賠償, 記住要影相記下所有的損毀.

以下轉貼自http://forum.hkpropertycity.net/phpBB2/viewtopic.php?t=46158的資訊應該對你有幫助：
單位漏水，除了帶來諸多不便，長遠更會危害樓宇結構安全。但原來只要一支照銀紙燈加上洗衣液，便可以追蹤到漏水源頭，費用不過數十元。
入住小西灣曉翠苑十六年的張太，近年客廳、廚房及洗手間天花板的牆身，均有發霉及浮現水印等問題，令她頭痛不已，「廚房不時滴污糟水落，我都唔敢煮飯，被迫要落街食。」
其實，想知道滲下來的水，是污水還是食水，並不困難。有多年驗樓經驗的建科測試儀器（中國）技術顧問朱顯勁教路，只須借助一支賣二、三十元的照銀紙燈幫手便可。他解釋：「大部分含有機酵素的物質，在紫外光燈下都會有螢光效果，如人的尿液在紫外光下會呈現黃綠色，即表示是污水渠漏水；一般食水、雨水，則呈現藍色。」
朱顯勁用照銀紙燈檢查張太屋內洗手間天花板的滲漏處，呈黃綠色，即源自污水渠；與張太自行聘請公證行所做的評估報告，結果吻合。
追蹤滲水源頭
想解決滲水滋擾，便要追蹤滲漏源頭。業主須預先與懷疑是漏水源頭的單位住戶約好，把二十至 三十公升 洗衣液稀釋（比例為 一公升 清水加兩匙洗衣液），倒進該單位的廁所、地台或浴缸等去水位；半小時後，再用照銀紙燈照辦煮碗地檢查自己家中的滲漏位置，若得出的螢光效果會比之前更明顯，即能證實源頭。
不過，香港浸會大學化學系系主任陳永康指出，洗衣液中的有機酵素種類各有不同，對紫外光的反應亦不一樣，故測試結果或有偏差。惟這測試方法成本低廉，效果亦與專業測試相若，故掏錢找公證行之前，不妨自己一試。
食環署免費幫手
如果懷疑是漏水源頭的單位住戶拒絕合作，業主可致電食環署或水務署投訴（電話：1823），有關部門將於一星期後，上門測試，費用全免。
若發現有人違反《公眾衛生及市政條例》，食環署便會發信警告，要求對方於十四日限期內即時維修；否則，最高可判罰款一萬元及每日罰款二百元。
業主亦可找公證行進行滲漏評估，費用由一千至二千元不等，然後再發律師信要求對方維修，或循民事索償有關維修費用。（梁嘉琪）
另可參考以下網頁：
http://www28.discuss.com.hk/viewthread.php?tid=8871930
樓上漏水,點搞好
http://waterseepage.org/leakcasestudy.htm
漏水個案研究

除了以上各點, 很重要的是要先向對方書面聲明此事并將信件副本交管理處作公正. 以下是我之前因同樣問題寫的樓上的一封信, 可以參考參考 :

致XX花園，第X座，XX樓，XX室業主閣下大鑑：

本人XXX， 為XX花園，第X座，XX樓，XX室之業主。 早於約兩個月前發現敝戶浴室、廚房及客廳天花出現滲水現象。
天花油漆以致批盪均起泡及脫落， 亦有明顯水積。 據管業處人員的估計， 乃由於 貴戶污水或食水管滲漏引致。
此情況不單破壞敝戶之裝修及家居環境， 如滲漏的為污水更有衛生問題之嫌。 就此， 我們向XX花園管業處經理X先生求助。 X先生建議敝人訴諸法律，
并允協助發律師信。 然而， 敝人認為左鄰右里之間不應動輒以法律處理問題。 故懇請 貴戶 ：

一‧ 立即檢查及修妥 貴戶滲水之設施以停止滲漏問題繼續影響敝戶
二‧ 安排人員將敝戶因滲水而損毀的天花修妥
三‧ 檢查及維修 貴戶安裝在敝戶浴室天花的 U 型聚水器

懇請閣下於XX月XX日前經XX花園管業處回覆敝戶。 以免興訟引起雙方時間及金錢損失等不便為苛。

此致

XXX
XX花園，第X座，XX樓，XX室業主
二○○X年X月X日

此信件副本致XX花園管業處經理X先生

2009-04-23 02:03:00 補充：
順帶一提, 就其他朋友提及的訴諸法律, 找小額錢債審裁署其實非到必要時不要用. 雖然入紙費用只要一二百元, 但入到去如果對方唔同意和解真係要見官, 冇記錯好似係千五蚊一堂. 完算係完全係你o岩晒對方錯晒都好, 多數情況下個官都會判一人出一半修理費同一人出一半堂費. 整一整可能係幾千蚊, 加多兩三堂三四千蚊, 結果雙方一人五六千蚊落樓... 計落跟本冇著數. 除非樓上係極度不合作, 否則冇咩野都唔好亂入官門

2009-04-23 02:07:32 補充：
仲有, 食環處試水係免費, 不過死人食環處白痴的. 佢o地會用幾隻唔同色o既染料 jit 入樓上各個去水位度 (eg, 馬桶紅, 浴缸黃, 廚房藍, 雨水渠綠等等), 再晌你個單位度睇下有咩色走出來就知係邊度漏....

結果會點 ? 當然係整到你間屋五顏六色....

所以都係o個句, 除非樓上極度不合作, 否則唔好搵食環處來整古自己