如果我想開間小食店係o的學校附近，要點做

首先建議你先確定你想開店的地區。你可以到該區搵地產幫幫你手或者佢地會有d旬盤介紹比你。但係反而你要留意個地方合唔合適做飲食，客路方面的消費水平，等等事宜。

之後建議你先確定你想經營的小食類形，例如大致上會賣咩小食(燒賣魚蛋等等)。其次就係確定做堂食定係外賣。堂食會建議你申領小食食肆牌照。外賣會建議你申領食物製造廠牌照。因應你唔同類別有唔同牌照選擇。

要計算開業成本，包括租金，入貨，人工等等。預算每月收入幾多，亦都要預備備用現金周轉。基本上如果有恆心的話，應該做得到的。

手續方面，你可以搵飲食牌照顧問公司幫你攪，一般黎講會幫你跟進成個發牌過程直至拎到正式牌照。你亦可以親力親為，你可以到食環署網頁download申請表格，及有關之發牌條款。
如果你係想從事飲食業務，必需要申請飲食牌照。

一般商場都附合食環署及屋宇署等之要求，你只需要就你宧想經營之模式向食環署提交相關的牌照申請就可以。

如果你係想賣飯盒 or 小食，就可以考慮一下下面果２種牌：

1. 普通食肆牌照，原則上你賣咩都可以，包括所有高危食品。但需要在申請時通知埋食環署。必需要有廚房。投資較高。

2. 食物製造廠，只作食物製造供外賣用途，不設堂食。同時店內不可設有座位。

基本上簡單黎講２種牌分別就係有冇座位咁簡單，如果想再知多ｄ可以搵小弟或者登入此網頁:
http://www.fehd.gov.hk/howtoseries/indexc.html


希望可以解答到你的問題，預祝你生意興隆。